"Men óz jeńisime senimdimin, biraq qıyndyqsyz bolady degen sóz emes", - dedi "Kanelo". Meksıkalyq boksshy Saýl Alvares orta salmaqta WBA (Super), IBO, WBC jáne IBF tujyrymdary boıynsha, álem chempıony qazaqstandyq boksshy Gennadıı Golovkınmen jekpe-jek ótkizýge qazaqstandyqtyń Denıel Djeıkobspen ótken kezdesýin kórgennen keıin kelisimin berdi degen sózderdi joqqa shyǵardy, - dep habarlaıdy Qamshy.kz aqparat agenttigi Vesti.kz saıtyna silteme jasaı otyryp. 

"Biz negizgi kelisimda Djeıkobspen ótetin jekpe-jekke deıin sheship qoıdyq. Ol amerıkalyqty jeńýi kerek boldy. Sol sebepti de bul kezdesýdiń meniń sheshimime múldem áser etken joq. Bul jekpe-jekti biz qaladyq, ol qyrkúıekte ótedi. Men áli de Golovkınniń eń joǵarǵy deńgeıde judyryqtasady degenge senemin. Ol menen sál irileý, alaıda ol menen myqty degen sóz emes. Eger nokaýttardy salystyrar bolsańyzdar meniki de kem emes. Myqtylyq soqqynyń aýyrlyǵymen emes dáldigimen baǵalanady", - dedi Alvares. 

Meksıkalyq boksshy qazaqstandyqpen revansh ótkizbes úshin taza jeńetinine senimdi. 

"Golovkınmen birinshi jekpe-jekte ekinshi ret kezdesýdiń qajeti joǵyn dáleldeımin. Árıne ol boks áleminde myqtylardyń biri. Ol óte myqty jáne men jekpe-jektiń ońaıǵa soqpaıtynyn bilemin. Men óz jeńisime senimdimin, biraq jekpe-jek qıyndyqsyz bolady degen sóz emes", - dedi Alvares. 

Aıta keteıik, Golovkın - "Kanelo" jekpe-jegi 16 qyrkúıek kúni Las-Vegastaǵy (AQSH, Nevada) T-Mobile Arena arenasynda ótedi.

Saýl Kanelo Alvareske qarsy jekpe-jekte Gennadıı Golovkın orta salmaqta WBC, WBA (Super), IBF jáne IBO chempıondyq ataqtaryn qorǵaıdy. Meksıkalyq "The Ring" jýrnalynyń belbeýin báske tigedi.