Mańǵystaýda oryn alǵan jantúrshigerlik jol apatynyń saldarynan bir otbasynyń jeti múshesi de kóz jumdy. Toyota Camry jeńil avtokóligi úılerdiń biriniń kirpishten jasalǵan qaqpasyna baryp soǵylǵan. Saldarynan kólikte otyrǵan jeti adam, olardyń ekeýi kishkentaı balalar, qazaq tapty, dep habarlaıdy Qamshy.kz aqparat agenttigi lada.kz saıtyna silteme jasap.

Jol apaty Beıneý aýylynda 10 qyrkúıek kúni saǵat 19:00 shamasynda oryn alǵan. Apatty jaǵdaıdaǵy medısına ortalyǵynyń habarlaýynsha, kólik tizginin ustaǵan júrgizýshi men alty jolaýshy – barlyǵy da oqıǵa ornynda kóz jumǵan.

«Soǵylǵan kólik qatty myjylyp ketken, sol sebepti de ondaǵy adamdardyń denesin kólikten arnaıy tehnıkamen shyǵarýǵa májbúr boldyq», - deıdi apatty jaǵdaıda medısına ortalyǵy.

Kýágerlerdiń aıtýynsha, kólikte bir otbasy músheleri – aǵasy men qaryndasy jáne olardyń balalary bolǵan. Belgili bolǵandaı, olar toıdan qaıtyp kele jatqan eken.

Kýágerler vıdeosy