Qazaqstannyń ishki ister mınıstri Qalmuhanbet Qasymov: «qylmyskerler bas bostandyǵy jazasyn alsa da túzelmeýi múmkin» - dedi. Bul týraly Qamshy.kz aqparat agenttigi habarlaıdy.

Mınıstr Qalmuhanbet Qasymov: «Qurmetti depýtattar, bizdiń uzaq jylǵy tájirıbemiz qylmyskerlerdi qamaýda ustaýdyń tıimsiz ekendigin kórsetti. Olardy qamaýda ustaý tájirıbe júzinde múldem nátıje bermeıdi deýge bolady. Onyń aıǵaǵy sol jazalanǵan azmattardyń bir qylmysty qaıtadan qaıtalaýy. Onyń ústine, jazalaý kolonıalarynda otyrǵan qylmyskerlerge ketken qarajat memleket búdjetine úlken salmaq bolyp otyr. Osy turǵyda damyǵan eýropalyq memleketterdiń tájirıbesine súıene otyryp, jańa qylmystyq zańdar men túzetý kodeksterin engizý kerek. «Qaıta qaraý» zańnamasy men basqa da quqyqtyq-zańnamalyq aktilerdi ózgertý mindettelýi tıis» -dedi.

Bul jóninde mınıstr Májilis depýtattaryna 2017-2019 jyldyq túzetý merziminde júrgen azamattardyń áleýmettik reabılıtasıalaý kopleksti jobasyn júzege asyrý týrasyndaǵy úkimettik saǵatta aıtty.

İshki ister mınıstrliginiń aıtýynsha, sońǵy jyldary túrmede otyrǵan azamattardyń sany aıtarlyqtaı tómendegen, máselen, 2011 jyly túrmedegi qylmyskerler sany 57 myń bolsa, 2017 jyly 35,5 myńǵa qysqarǵan.  

Budan 15 jyl buryn qamalǵan qylmyskerler sany jóninde álemdik kórsetkishte  Qazaqstan AQSH pen Reseıden keıingi úshinshi orynda bolsa, qazirgi ýaqytta 68 orynda tur. «Eger bolashaqta qylmystyq kodekste ózgertýler engizilse bul kórsetkish odan tómen bolýy tıis» - dedi mınıstr.

Qalmuhanbet Qasymovtyń pikirinshe, aldaǵy ýaqytta túrmege qamalǵandardyń sany azaıyp, polısıa baqylaýynda bolatyndardyń sany artady.

Bul elimizde probasıa qyzmeti paıda bolýyna birden bir sebep bolyp otyrǵan másele. Qazirgi kezde, bizdiń zańnamamen probasıanyń tolyq aınalymy qurylǵan. Buǵan deıin elimizde tek probasıanyń eki modeli ǵana bolsa: úkimdik jáne postpenıtensıarlyq, qazirde probasıanyń eki qosymsha túri engizildi: sotqa deıingi jáne penesıarlyq. «Bul probasıalyq júıe barlyq krımınaldyq qaýipti jaǵdaılardyń alýǵa septigin tıgizedi» - dep sózin aıaqtady mınıstr.