Tanymal reseılik kásipker jáne «Telegram» messendjeriniń negizin qalaýshy Pavel Dýrov óz kásibine kedergi keltiretin elderde: Iran men Reseıde jumysyn toqtata alatyndyǵyn aıtty,-dep habarlaıdy Qamshy.kz aqparat agenttigi.

«Bizden qoldanýshylardyń jeke málimetterin surap, kásipke de qysym kórsetken elderde «Telegram» –dy jaýyp,  olardyń budan bylaıǵy qarsylyǵyn toqtata alamyz»,- dep jazdy ol óziniń Telegram jelisinde.

Osy málimdemeniń aldynda ǵana, Reseıdiń komýnıkasıalyq tekseris mekemesiniń qyzmetkerleri «Telegram» qoldanýshylarynyń jeke málimetterin bermese jelini buǵattap tastaıtyndyǵyn aıtqan. Al Iran memleketiniń prokýratýrasy Dýrovqa qarsy sot isin qozǵaǵan bolatyn. Olardyń senýinshe, «Telegram» jelisi balalar pornografıasy men ekstremıstik aqparattar taratqan.

Pavel Dýrovtyń aıtýynsha, Reseı men Irannyń Telegramǵa jasaǵan qysymy, kásip úshin asa mańyzdy emes, óıtkeni bul elderde jeli zańdy tulǵa bolyp eseptelmeıdi. Iran memleketi qoıǵan shekteýler oǵan túk emes, al Reseı qoıǵan talaptar onda  turatyn ata-anasyn kórip turýǵa kedergi keltiredi.

Degenmen, bul baǵa eki memleket qoıǵan talaptarǵa tólegen arzan qun. Dýrovtyń oıynsha, Iran men Reseı qysymy eki el ekonomıkasyna kedergi keltiredi.