Qalalyq bılik ókilderi avtobýstarda júrý tólemin komýnaldyq qyzmet esebine engizýdi usyndy, — dep habarlaıdy Qamshy.kz aqparat agenttigi elorda.info saıtyna silteme jasaı otyryp.
Bul jańalyqtar qalalyq kólik júıesin modernızasıalaý boıynsha usynylǵan BUS/km júıesine engizilgen. Bul júıe boıynsha, jol júrý qunyn komýnaldyq qyzmet esebine qosý kózdelip otyr.
"Biz jańa ári anyq bolatyn júıeni usynyp otyrmyz. Osy arqyly qoǵamdyq kólik qatynasynan túsetin aqsha aǵymyn basqarýdyń ashyqtyǵyna qol jetkize alamyz. Osy arqyly ár úıdiń aı saıynǵy aǵymdaǵy shyǵyn kólemin 3857 teńge únemdeýge múmkindik beredi. Memlekettiń qajetti sýbsıdıa kólemin úsh ese azaıtýǵa múmkindik beredi", — dedi "Astana LRT" JSHS basqarma tóraǵasynyń mindetin atqarýshy Janna Aqjanova.
Onyń aıtýynsha, arnaıy jeńildikteri bar adamdar bul tólemnen bosatylady. Elordalyq júrgizýshiler qala kóshelerinde aqyly turaqtarǵa tólem jasaý múmkindigine ıe bolady.
