BUU minberinde AQSH ókili Nıkkı Heılı Mánma áskeriniń is-áreketin qatań aıyptap, málimdeme jasady,― dep habarlaıdy Qamshy.kz aqparat agenttigi sheteldik BAQ-qa silteme jasaı otyryp.
Mánmadan bas saýǵalap qashqan 130 bosqyn mingen sý kemesiniń apatqa ushyrap, saldarynan 50 adamnyń ólimine alyp kelgenin aıtqan Nıkkı Heılı sózden iske kóship, bul jaǵdaıǵa shara qabyldaý kerek ekenin jetkizdi.
«Dıplomatıalyq sózder men qurǵaq keńestiń ýaqyty ótip ketti. Óz azamattaryna qarsy qylmys jasap otyrǵan Mánma qarýly kúshine qarsy is-áreket jasaý kerek», ― dedi AQSH ókili Nıkkı Heılı.
Aıta ketetin bolsaq, Bul AQSH-tyń Mánma bıligine qarsy jasap otyrǵan alǵashqy málimdemesi emes. Osyǵan deıin de AQSH Mánma bıligine qarsy qatań eskertýler de jasaǵan bolatyn. Málimdemede Mánmanyń áskerıleri men qarýly kúshterine tikeleı aıyp taǵylyp, jaýapkershilikke tartylýy kerektigi basa aıtylǵan.
