Las Vegas qalasyndaǵy atys saldarynan qaza tapqandardyń týystary úshin dúısennbide qurylǵan kómek qory $3,7 mln. jınady. Bul týraly Las-Vegastaǵy baspasóz máslıhatynda Klark okgrýgi komısıasynyń tóraǵasy Stıven Sısolak málim etti.

Jergilikti CNN arnasy Sısolaktyń sóılegen sózin kórsetti. Onyń aıtýynsha, jınalǵan $3,7 mln. qarjyny 47 myń adam aýdarǵan. Ári tólemderdiń biri $500 myń, endi biri $100 myńdy quraǵan.

Eske salsaq, jantúrshigerlik oqıǵa Las-Vegastaǵy eń úlken kazınonyń biri Mandaleı Beıde bolǵan edi. Derekter boıynsha sol jerde ornalasqan «Mandeleı Beı» qonaq úıiniń 32-qabatynan belgisiz bireý mýzykalyq festıválge jınalǵan qala qonaqtary men turǵyndarǵa oq jaýdyrǵan. Qaskóıdiń 64 jastaǵy Stıven Peddok esimdi jergilikti turǵyn ekeni anyqtaldy.