3 qyrkúıekte Almaty mańynda ushaq qulap, 5 adam qaza tapty. Bul týraly QR İİD TJK resmı ókili Rýslan Imanqulov málim etti, dep habarlaıdy Qamshy.kz aqparat agenttigi.

«3 qazan 19:15-te Almaty oblysy, İle aýdanynda An-28 markaly ushaq qulady. Aldyn ala málimet boıynsha, ushaq bortynda bes adam bolǵan, bári qaza tapty. Oqıǵa ornynda 12 adam, Almaty oblysy órt sóndirý qyzmetinen 3 tehnıka bar. Olar ushaqty sóndirip jatyr», - dedi Imanqulov. 

Keıin ekıpaj músheleri anyqtaldy. Olar Áýe kemesiniń kapıtany Qyrǵyzstan azamaty – G. N. Soı, ekinshi ushqysh Qazaqstan azamaty – E. Kýtafın bolǵan.

Sonymen qatar bortta 2 medısına qyzmetkeriniń bolǵany anyqtaldy. Bortta barlyǵyn 5 adam bolyp, bári oqıǵa ornynda qaza tapty.

«AN-28» Polshada 1990 jyly jasalǵan. Tirkeý nómiri UP - A2807, ushý salmaǵy 5 690 keli.

Aıta keteıik, 3 qazanda Almaty-SHymkent baǵytyndaǵy Eastwing áýe kompanıasynyń An-28 áýe kemesi, sanıtarlyq reısi saǵat 18:47-de Almatydan 28 shaqyrym qashyqtyqta lokatordan joǵalyp ketkeni habarlanǵan.