Búginde álemge áıgili Djekı Channyń jankúıerleri akterdiń ótken ómiri týraly tolyq bile bermeıdi. Djekı Chandy tolyq bilemin degen adam múldem qatelesedi. Ańyzǵa aınalǵan akterdiń ótken ómirindegi qupıalardy Qamshy.kz aqparat agenttigi oqyrman nazaryna usynady.
Djekı Chan 1954 jyly Gankongte dúnıe kelgen. Ata-anasynyń kedeı bolǵany sonshalyq Djekı úshin 20 fýnt usynǵan dárigerge satyp jibermek bolǵan. 20 fýnt teńgege shaqqanda 8 myń teńgedeı bolady. Sonymen birge Djekı dúnıege kelgen kezde ata-anasy Qytaıda repressıaǵa ushyraǵan. Djekıdiń anasy qumar oıyndarynyń ataqty oıynshysy bolsa, al ákesi tyńshy ári qaraqshy bolypty.
Djekı 7 jasqa tolǵan kezde ata-anasy Avstralıaǵa jumys izdeýge ketip, balasyn ózderimen alyp ketkisi kelmegen. Djekıdi Pekındegi opera mektep-ınternatyna tastap ketipti. Djekıdiń mektep-ınternatyndaǵy kúnderi azapqa toly bolatyn. Atalǵan mektepte sabaq tańǵy 5-te bastalyp, túnniń ortasynda aıaqtalatyn. Eń qıyny bul emes edi. Mektep oqýshylary ez-kelgen kishkentaı qatelik úshin aýyr jaza tartatyn.
Bir kúni Djekıdi kishkentaı qateligi úshin muǵalimder qamys taıaqpen urǵan.
«Men bul kúndi ómir boıy umytpaımyn. Bir kúni muǵalim meni qamys taıaqpen 10 ret urǵan.Bul kezde jylaýǵa da, artyq qımyldaýǵa da, dybys shyǵarýǵa da bolmaıdy. Artyq qımyl jasasań 2 ese jazalanasyń. Iá men bul sátti eshqashan umytpaımyn», — deıdi Djekı Chan.
Mektep-ınternatyndaǵy azapqa toly 10 jyldan keıin Djekı ata-anasynyń qasyna, Avstralıaǵa kóshedi. Keıin ol biraz qıyndyqtan ótip aty ańyzǵa aınalǵan akterge aınalady. Alaıda túsirilim kezinde ol kóptegen aýyr jaraqat alady. Biraq aýyr jaraqattarǵa kishkentaı kezinen eti úırenip ketkenge uqsaıdy. Ol qazirgi kezde túrli qaıyrymdylyqpen aınalysyp, kóptegen jandarǵa jomarttyq tanytyp júr.
