Las-Vegastaǵy atys saldarynan keıbir qaza tapqandar jaıynda jańa málimetter shyqty. Sońǵy derekterge sáıkes, atystan 59 adam qaza taýyp, 400 adam jaraqat alǵan, dep jazady Qamshy.kz aqparat agenttigi.

Qaza tapqandarpdyń qatarynda 28 jastaǵy Krıs Roıbel bar. Ol – Aýǵanstandaǵy qyzmetten oralǵan ońtústik Kalıfornıa flotynyń ardageri.

Feısbýktegi sońǵy jazbasynda ardager «Saǵan oq tıgendegi sezimdi qalaı elestetesiń?» degen suraqqa jaýap izdep kórdi.

«Adamdar bul suraqty jıi qoıady, alaıda amerıkalyqtar munyń ne ekenin bilmeı ótedi», - dep jazdy Krıs.

Bolǵan jaǵdaıdy bilgen Krıstyń dosy paraqshasyna bylaı dep jazdy: «Janyma tıetini – soǵystan bir jaraqatsyz, aman-esen oralǵan Krıs konsertte qaza tapty».

Krıs konsertke anasymen birge barǵan, alaıda konserttegi qalyń jurtshylyqtyń kesirinen anasynan ajyrap qalǵan. Atys bastalǵan ýaqytta anasy balasyn izdeı bastaıdy, biraq tym kesh edi.

«Ol soǵysqa baryp, túrli jattyǵýlardy ótkerip, jaraqatsyz oraldy. Konsertke bardy da, máńgilik saparǵa attandy», - dedi Krıstiń anasy En-bı-sı tilshisine bergen suhbatynda.

Charlston Hartfıld – Las-Vegas polısıasynyń 34 jastaǵy shtattan tys qyzmeteri. Sol kúni jumysynan arnaıy demalys alyp, konsert tamashalýǵa barǵan.

Odan bólek, Charlston balalar fýtbol komandasynyń jattyqtyrýshysy edi. Birneshe kún buryn Qarýly kúshterdiń qyzmeti jaıynda estelikter jazǵan. Bul týraly qaza tapqan polıseıdiń dosy Troı Rett aıtty.

«Meniń oıymsha, ol ózgelerge kómek kórsetkisi kelgen. Charlzdy menen artyq eshkim bilmeıdi. Jaqsy adamdar birinshi ketedi deıdi ǵoı. Bul sóz Charlzǵa dál aıtylǵandaı. Qaıǵyly oqıǵa júregimizge qatty batty, qatty qaıǵyrdyq», - dedi Troı tilshilerge bergen suhbatynda.

Sonnı Melton – 29 jastaǵy meıirger. Óz áıelin qutqaramyn dep oq astynda qalǵan.

«Ol meniń ómirimdi qutqardy», - dedi qaza tapqan meıirgerdiń áıeli Hızer Melton. – Ol meni qushaqtap alyp, qasha jóneldi. Sol sátte onyń arqasyna oq tıgenin sezdim».

Sendı Keısı – Manhetten Bıch qalasynyń turǵyny, pedagog-defektolog. Arqasyna oq tıip, qaza boldy.

Konsertke kúıeý jigitimen barǵan. Áriptesteriniń aıtýynsha, Sendıdi oqýshylary da, áriptesteri de erekshe jaqsy kóretin.

«Ol stýdentter men olardyń ata-analyrynyń ómirlerine erekshe lep ákelgen jan», - dedi mektep dırektory Maık Metús.

Tomas Deı – kalıfornıalyq qurylysshy. Konsertke 4 balasymen barǵan, balalary aman qaldy.

«Ol – qaıtalanbas áke. Sol sebepti de balalary onyń janynda boldy», - dedi qaza tapqan er adamnyń ákesi.

Anna Alers – 35 jastaǵy sportshy áıel, úsh balanyń anasy.  

«Anna – men biletin áıelderdiń ishindegi eń kórkemi, ǵajaby», - dep esine aldy kúıeýi.

Andjı Gomez – 20 jasta, bıshi.

«Andjı adal dos bola bildi. Biz úshin, otbasy úshin onyń orny bólek edi, endi oısyrap qaldy», - dedi Andjıdiń bıden jattyqtyrýshysy.

Dana Gardner – 52 jasta, San-Bernardıno qalasy ákimshiliginiń qyzmetkeri. Áıel konsetker qyzymen bardy, qyzy zardap shekpegen.

Djon Fıppen – San-Klarıta qalasynyń turǵyny. Arqasyna oq tıip qaza tapty. Djonnyń uly Tevıs te jaraqattandy, alaıda aman qaldy.