Búgin Nurlan Nyǵmatýlınniń tóraǵalyǵymen ótken jalpy otyrysta búdjet zańnamasyn jetildirýge baǵyttalǵan túzetýler birinshi oqylymda maquldandy dep habarlaıdy Qamshy.kz aqparat agenttigi.

Talqylaýdy qorytyndylaı kele, Májilis Spıkeri zań jobasynyń búdjet shyǵystarynyń tıimdiligin túbegeıli arttyrýǵa jáne búdjettik rásimderdi ońaılatýǵa baǵyttalǵanyn alǵa tarta kelip:  

-Bizge naqty nátıje kerek. Ol turǵyn úıler, mektepter, bala-baqshalar, aýrýhanalar salý. Sonda ǵana Elbasynyń bólingen qarjylar ekonomıkany damytýǵa, azamattardy jumyspen qamtýǵa jáne halyqtyń ál-aýqatyn arttyrýǵa jumys isteý kerektigi jónindegi tapsyrmasyn júzege asyramyz,-dedi N. Nyǵmatýlın.

Zań jobasynda búdjettik baǵdarlamalardy iske asyrýdy ońaılatý jáne memlekettik organdardyń derbestiligin arttyrý,   esepke jazý ádisimen búdjetteýdi birtindep engizý, memlekettik jáne memleket kepildik bergen boryshty retteýdi kúsheıtý, İT-jobalaryn, memlekettik organdardyń aqparattyq júıelerin  qurý, damytý úshin qajetti qujattamany daıyndaý rásimderin ońaılatý baǵyttary boıynsha túzetýler qamtylyp otyr.