EKSPO-qalashyqtyń turǵyn úıleri men avtoturaqtary satý úshin 2018 jyldyń 1 qańtarynan keıin ǵana «Báıterek development» AQ-qa qaıtarylady, dep jazady Qamshy.kz aqparat agenttigi.
Aǵymdaǵy jyldyń jeltoqsanyna deıin «Báıterek development» AQ «Astana EKSPO-2017» ulttyq kompanıasynan jalǵa alýshy retinde qala bermek. Sondyqtan da ondaǵy páterler bıyl satylmaıdy. EKSPO-qalashyq Qazaqstan Úkimetiniń qaýlysymen 2014 jyly «Astana EKSPO-2017» ulttyq kompanıasynyń ıeligine berilgen.
Joba aıaqtalǵan soń osy qujatqa sáıkes jyljymaıtyn múlikti satý úshin qalashyq aksıonerlik qoǵamǵa qaıtarylýy tıis bolatyn. «EKSPO-2017» halyqaralyq kórmesine arnap salynǵan basqa nysandar, sonyń ishinde «Nur Álem» pavılony mýzeı kesheni retinde paıdalanyla beredi.
S3 jáne S4 halyqaralyq pavılondaryna Astana Halyqaralyq qarjy ortalyǵy ornalasady, S1 - «Job World» adam resýrstaryn damytý bilim berý ortalyǵy, D1 - «Jasyl» tehnologıalar halyqaralyq ortalyǵy, D4 - halyqaralyq IT-tehnopark enshisine beriledi.
«Kórme aýmaǵyna ornalasqan (komersıalyq negizde - red.) uıymdar týraly aqparat pavılondar jóndelip, ǵımarattar jalǵa berilgennen keıin belgili bolady», - delingen «Astana EKSPO-2017» ulttyq kompanıasynyń Qazaqparat tilshisiniń resmı saýalyna bergen jaýabynda.
