BUU-nyń gýmanıtarlyq suraqtar jónindegi basshysynyń orynbasary Mark Loýkok Iemen sońǵy birneshe onjyldyqta bolmaǵan eń qatty ashtyqqa túsý qaýpi aldynda tur dep málimdedi.

Saýd Arabıasy koalısıasy jetekshiligimen jasalǵan oqshaýlaý tásilderi alynbasa, Iemenge gýmanıtarlyq kómek kórsetý  qalpyna keltirilmese, jaǵdaı qıyn bolady dep habarlaıdy RIA Novostı.

«Mundaı sharalarǵa tyıym salynbaıynsha, Iemende ashtyq bolady. Bul ashtyq adamzat tarıhyndaǵy eń aýyr ári qıyn ashtyq bolmaq jáne onyń qurbandary mıllıondaǵan adamǵa jetýi múmkin»-delindi BUU-da.

Iemende azamat soǵysy 2014 jyldan beri jalǵasyp keledi. Osynyń saldarynan turǵyndardyń jartysy aýyr gýmanıtarlyq jaǵdaıdy bastan ótkerýde.

Osy dúısenbide, arab koalısıasy Iemenniń teńiz, áýe, temirjol porttaryn jabatynyn málimdedi. Munyń barlyǵy Iemenniń hýsıt-kóterilisishileriniń Er-Rıadǵa zymyran jiberýinen keıin oryn aldy.

Al, BUU bolsa, óz kezeginde Iemenniń barlyq porttarynyń jabylýyna qatysty ózderiniń alańdaýshylyqtaryn bildirdi.