Tájikstanda dinge qatysty úlken janjal shyqty. Asadýllo Ybraıymov esimdi azamat baıaǵydan beri Dýshanbe qalasynda bedeýlikten aryldyratyn emshi retinde tanymal bolǵan. Biraq bul kisiniń beınejazbaǵa túsken emdeý ádisteri ony sotqa deıin apardy, - dep habarlaıdy  Radioazadlyq portaly.

Ol seksýaldyq dámeshildik boıynsha aıyptaýda.

Eń qyzyǵy, Ybraıymov moldalyq qyzmet te atqarady. Jelide paıda bolǵan vıdeojazbada ol emge kelgen qyzdy «saýyqtyrady». Alaıda bir qaraǵanda jasandy pornofılm kórip jatqandaı bolasyz. Óıtkeni, molda áıeldi sheshindirip, onyń áýretti jerlerin aımalap, súıip qana qoımaı, «em» kezinde Quran súrelerin oqı bastaıdy.

Vıdeojazba jelide birden eń tanymal tájik vıdeosyna aınaldy. Al basty keıipker «Sıqyrshy Molla» degen laqap atqa ıe boldy. Alaıda Ybraıymovtyń otbasy músheleriniń aıtýynsha, bul oqıǵaǵa kináli bolǵan – sol emge kelgen qyz. Mollanyń jubaıy seksýaldy dámeshildik boıynsha aıyp jazbadaǵy qyzǵa taǵylýy tıis dep esepteıdi.

Alaıda endi sottyń úkimi boıynsha molda 7 jylǵa deıin bas bostandyǵynan aıyrylýy múmkin. Oqıǵa qalyń jurtqa málim bolyp, búginde búkil tájik eli osy jaıtqa baılanysty áleýmettik jelilerde oılaryn bildirip, komentarıler qaldyrýda.