Almaly aýdany aýmaǵynda 26 medısına mekemeleri ornalasqan. Barlyq medısına mekemelerinde ınovasıalyq tehnologıalar endirilýde. Dıagnostıkanyń zamanaýı túrleri qoldanylyp, kúrdeli ota jasalýda. Bul týraly aýdanynyń ákimi Jasulan Estenov Almaty qalasy Óńirlik komýnıkasıalar qyzmetinde ótken brıfıńte aıtty dep habarlaıdy Qamshy.kz aqparat agenttigi.  

Aýdan basshysynyń aqparatyna súıensek, medısına mekemelerinde qazirgi tańda sheteldik mamandar túrli master-klasstar ótkizýde. Mysaly, Qalalyq kardıologıalyq ortalyq Qazaqstandaǵy jumys jasap turǵan júrekke ota jasaýdyń 60 %-dan astamy júzege asyrylatyn birden-bir ortalyq bolsa, jedel shuǵyl kómek kórsetý ortalyǵynda jylyna 5000-nan astam ota jasalady. Sondaı-aq, bıylǵy jyly medısınanyń sońǵy tehnologıalarymen jabdyqtalǵan Reprodýktıvtik medısına ınstıtýtynyń jańa fılıaly qoldanysqa berildi. 

Aýdan aýmaǵynda 65 000 asa stýdent oqıdy, ıaǵnı qala stýdentteriniń 40%-y. Aǵymdaǵy jyl Almaty qalasy ákimimen «Jastar jyly» dep ataldy. Sol sebepten aýdan jastar kóptegen is-sharalarǵa qatystyrylady. Jastardyń damýy men bos ýaqytyn tıimdi ótkizýi úshin burynǵy tramvaı deposynyń ornynda jastarǵa arnalǵan loft-ortalyq ashyldy,-dep habarlady aýdan ákimi Jasulan Toqqojauly.