ELBASY JOLDAÝYNA PİKİR

Táýelsizdik alǵaly úsh qaıta mine jańǵyrdyq!

OON nyń shyǵyp tórine, Tóraǵa bolyp tań qyldyq!

Tanydy álem qazaqty, kók týym kókte jelbirep,

Elordanyń aspanyn mereke - dýman án qylyp!

Ár jyl saıyn Elbasy eline joldaý joldaıdy.

Joldaýdan kútip zor úmit halqy da ony qoldaıdy.

Jyl ótken saıyn "asqynyp", qymbatshylyq torlaıdy,

Baıyı túsip baılaryń, kedeı - kepshik sorlaıdy.

Nátıjesin bermeıdi júz qadam men on qadam,

Zań aldynda teń bolmaı, kedeı me, baı ma ár adam.

Táýeldi bolyp qytaıǵa, "jemi" bolsaq orystyń,

Qutylmaımyz eshqashan, qaryz ben quldyq sanadan!

Kesem deseń til mine, aıtaıyn bir shyndyqty.

Qoldamaımyn eshqashan "úsh til" - degen sumdyqty!

"Edınyı nasıa" bolatyn, Amerıka emespiz,

QAZAQ ELİ atanyp, qazaq til bolsyn eń myqty!

Bilim menen densaýlyq, tegin bolsyn baspana!

Qamqor bolsyn memleket, kárige de, jasqa da!

Halyq kórsin qyzyǵyn, shette jatqan mıllıardtyń,

Satylmasyn jerimiz, "árkim" menen basqaǵa!

Aımuhanbet Beısembekov