Ýkraına jáne Reseı jýrnalısi, saıasatker Anatolıı Vasserman jańa jyl aldynda 2018 jylǵa boljam jasaǵan, dep jazady Qamshy.kz aqparat agenttigi.
Onyń boljamdaryna sáıkes, 2018 jyldyń eń daýly aqparattary AQSH-tan shyǵatyn bolady. Birinshi kezekte AQSH prezıdentine túrli aıyptaýlar taǵylady. Halyqtyń Trampqa degen senimi tómendeıdi.
«Qarashada Amerıkada parlament saılaýy ótedi. Eger Trampty qaldyrsa, onyń partıasynyń jeńiletini sózsiz», - dedi ol. Vassermannyń aıtýynsha, Amerıkanyń ishki saıası janjalyna osy jyly álem kýá bolady.
«2017 jyly KHDR-dyń úzdiksiz zymyrandarynyń kesirinen AQSH prezıdenti Phenánǵa áskerı qýatty arttyrýǵa ýáde bergen. Alaıda nátıjesi áli baıqalmaı keledi», - dedi saıasatker.
Vasserman sondaı-aq 2018 jyly Grýzıanyń burynǵy prezıdenti Saakashvılıdiń kúshi artatynyn aıtyp, Kıevte jańa Maıdan ornaıtynyn eskertti. Saakashvılı Ýkraınada Poroshenkonyń janynda otyrǵan jemqor sheneýniktermen kúresetin bolady. Bul jaǵdaıda oǵan Ýkraınadaǵy burynǵy basty reıder Kolomoıskıı men onyń kómekshisi Grıgán kómektesetin bolady. Ekeýi de jemqorlyq pen memleketterdiń tóńkeristerdiń basy qasynda júrgender.
Vasserman 2018 jyly bolatyn soǵystar men janjaldar týraly da aıtty. Onyń pikirinshe, AQSH-ta bıliktiń ruqsatynsyz-aq kez kelgen ýaqytta soǵys bastalýy múmkin. Vasserman sondaı-aq DAISH-pen soǵystan keıin túrikter men kúrdterdiń soǵysy bastalady degen boljamǵa keldi.
Budan bólek munaı baǵasynyń artatynyn aıtty.
«2017 jyly bıtkoın 21 000 dollarǵa qymbattady, keıin 12 000 dollarǵa deıin tústi. Qazir qaıta qymbattap jatyr. Barlyq qurylǵan bıtkoınderdiń jalpy baǵasy 300 mıllıardtan asty», - dedi jýrnalıs.
Sondaı-aq Vasserman 18 naýryz kúni Reseıde bolatyn saılaýdy da umyt qaldyrmady. Ol ýaqytta elde úlken shıelenis ornaıtynyn aıtty.
«Bizdiń saılaý strategıalyq áriptesterimizdi qynjyltatyn bolady. Olar Reseıdegi demokratıalyq qordyń Elsınmen birge aıaqtalǵanyn aıtyp, qalǵan saılaý derekterin jalǵan deıtin bolady», - deı kele óziniń negatıvti boljamdarynyń oryndalmaýyn tiledi.
