AQSH «Amerıka qarsylastaryna qarsy turý týraly» zań aıasynda «reseılik olıgarhtarǵa» qatysty sanksıalar engizýdi josparlap otyr. Bul týraly Aq úıdegi brıfıń barysynda qarjy mınıstri Stıven Mnýchın málimdegen, dep jazady Qamshy.kz aqparat agenttigi.

«Biz osy turǵyda jumys isteýdemiz. Olar jaqyn kúnderi jarıalanatyn bolady», - dedi Mnýchın shekteý sharalary týrasynda.

«Kommersant» basylymynyń deregine súıensek, AQSH ákimshiligi Kongreske Reseıdegi eń kóp aılyq tólenetin sheneýnikter men kásipkerlerdi tanystyrmaq. Onyń quramynda 50-den astam adam bolýy ábden múmkin, al otbasy múshelerimen qosqanda 300-ge jetedi.

Qara tizimdegiler birden sanksıaǵa ilikpeýi múmkin, tek kez kelgen ýaqytta enip ketý qaýip bar. Alaıda AQSH demokratıalyq partıasyn Tramptyń jaǵdaıy alańdatyp otyr. Sebebi prezıdent reseılik áriptesimen qarym-qatynasyna syzat túsirýden aýlaq bolýdy tańdaýy múmkin.

Aıta keteıik, AQSH 2017 jyldyń qazanynda sanksıaǵa ilikken Reseıdiń 33 kompanıasyn jarıalady. Al jańa shekteý sharalary 2018 jyldyń aqpanynda jarıalanýy múmkin.