Máskeý jáne búkil Reseı Patrıarhy Kırıll Qazaqstan musylmandary dinı basqarmasynyń jańa tóraǵasy Serikbaı qajy Orazdy Bas múftı laýazymyna saılanýymen quttyqtap, arnaıy jedel hat joldady dep habarlaıdy Qamshy.kz aqparat agenttigi. 

«Sizdi Bas múftı laýazymyna saılanýyńyzben quttyqtaımyn. Qazirgi jaǵdaıda ıslam men pravoslavıe qoǵamda adamgershilik qundylyqtardyń mańyzdylyǵyn árdaıym alǵa tartyp, dinı urandardy jamylǵan dinı ekstremızmge birlese qarsy turýǵa, elder men halyqtar arasynda beıbitshilik pen dostastyqty nyǵaıtýǵa múddeli.

Shyn yqylasymmen QMDB jáne QR orys pravoslav shirkeýiniń mıtropolıttik okrýgy arasyndaǵy senim men yntymaqtastyqtyń joǵary deńgeıin atap ótkim keledi. Bul ózara baılanys odan ári de damyp, adamdardyń rýhanı adamgershilik tárbıesine, qoǵamda beıbitshilik pen kelisimniń jandanýyna yqpalyn tıgizedi degen senimdemin.

Jaýapty laýazymdy qyzmette sáttilik, tabys, denińizge saýlyq tileımin», – delingen Máskeý jáne búkil Reseı Patrıarhy Kırılldiń quttyqtaý hatynda.