Ótken táýlikte Pavlodar oblysyndaǵy avtojoldarda 17 adam qutqaryldy jáne 169 adam evakýasıalandy. Onyń ishinde toǵyzy bala, 38 transporttyq qural shyǵaryldy, dep habarlaıdy  Qamshy.kz aqparat agenttigi pavlodarnews.kz málimetine súıenip .

Oblystyq tótenshe jaǵdaılar departamenti memelekettik til jáne aqparat tobynyń habarlaýynsha, aımaqta qatty jeldiń áserinen 13 tóbe jabyndysy  ushyp ketken.

Departamenttiń málimetinshe, apattyq-qutqarý jumystarynda 141 maman qatysyp, 63 tehnıka jumyldyrylǵan. Avtokólik transportynyń eldi mekennen tys oblystyq avtomobıldik joldarǵa 21 mobıldik blok-beket qoıylyp, 30  tehnıka jáne jol polısıa qyzmetinen 104 adam, TJD-den 12 tehnıka jáne 41 adam qyzmet etken. 109 jylytý pýnkti daıyndalǵan.

Qatty jeldiń áserinen 75 eldi mekende elektr energıasynyń óshirilýi tirkelip, qazirgi ýaqytta qalypqa keltirý jumystary júrgizilip jatyr. TJ departamentiniń daǵdarys ortalyǵynda jedel shtab jumys istep jatyr, jaǵdaı saǵat saıyn qadaǵalanýda jáne kómek kórsetý úshin kúshter men quraldar ótkizilip jatyr.

Tótenshe jaǵdaılar departamenti turǵyndardy múmkindiginshe úıden shyqpaýǵa shaqyrady. Qazirgi ýaqytta qaza tapqandar men zardap shekkender joq.