12 jastaǵy Muhammed Khaled otbasymen Sırıadaǵy qandy qyrǵynnan qashyp shyqqan. Túrkıanyń ońtústik-shyǵysyndaǵy Adymán qalasynan panalaıtyn jer tapqan soń, Muhammed birden jumys isteýge kirisip ketedi.

Ol otbasyn asyraý úshin jastaıynan aqsha tabýǵa májbúr boldy. Sóıtip, 12 jastaǵy bala aıaq kıim tazalaǵysh bolyp jumysqa ornalasty. Sırıalyq qashqynnyń oqıǵasyn 1news.az portaly usyndy, dep jazady Qamshy.kz aqparat agenttigi.

Úıine qaıtarda tanymal sportzaldyń janynan ótetin. Sportpen aınalysqandy qatty armandap, tek terezesinien úńilip qana qaıtatyn. Muny baıqaǵan belgisiz bireý balany syrtynan túsirip alyp, jelige saldy.

Aıaq kıimdi qoıatyn tireýishti asynyp, sportzalǵa úńilip qarap turǵan balanyń fotosy halyq arasynda qyzyǵýshylyq týdyryp, túrli pikirler aıtyldy.

Klýb ıeleri de muny nazardan tys qaldyrmady, jas sırıalyqqa ómirlik abonement syıǵa tartty. «Biz de fotony kórdik. Janymyzǵa batty. Aqyry balany taýyp alyp, abonement syıladyq. Qalaǵan ýaqytynda kelip, sportpen aınalysýyna bolady», - dedi klýb ókili.

«Men qatty qýanyshtymyn. Kópten beri kókeıimde júrgen armanym oryndaldy. Ómirlik abonementke qol jetkizdim. Endi sportpen aınalysyp, sál de bolsa aryqtaımyn», - dep qýanyshymen bólisti Muhammed