Ótken jyldyń sáýir aıynda jurtshylyqqa tanymal ánshi Saıat Medeýov Almaty oblysy, Qarasaı aýdanynyń №14 okrýgine Máslıhat depýtaty bolyp saılanǵan edi.
9 aıdan beri depýtattyq qyzmette júrgen ánshi tyndyrymdy isteri týraly jarıa etkisi kelmedi. Taǵy aıta ketetini Saıat Medeýov depýtattyq mansapqa laıyq emestigin aıtyp ketti dep habarlaıdy Qamshy.kz aqparat agenttigi Qazaq radıosyna silteme jasaı otyryp.
«Bul meniń ornym emes, biraq amaldyń joqtyǵynan júrgen jaıym bar. Men saılanǵan kezde neshe túrli sózder boldy. "Aqshasy taýsylǵan ǵoı. Halyqty qanaıyn degen ǵoı. Halyqty jeıin degen ǵoı" - degen sıaqty nebir áńgimeler boldy. Sol kezde meni taǵaıyndaǵan Mahabbat aǵaǵa da habarlasyp: «Aǵa, meni beker usyndyńyz ǵoı», dedim. Sonda ol, dosymsyń ǵoı, dosym bolsań shyda dep, qysqa qaıyrdy. Amal joq, endi shydap júrmin. Óziniń qıyndyqtary bar. Ońaı dúnıe joq. Kele salyp mynany qoparyp jiberemin degen, aǵysqa qarsy júzgenmen birdeı», - deıdi ánshi.
QR eńbek sińirgen qaıratkeri ózi Qarasaı aýdanynyń turǵyny. Sondyqtan, ánshini el ishindegi ózekti máselelerdi biletin bolǵandyqtan, osy orynǵa usynǵan eken.
