Búgin Almatyda «Qazaqstan men Reseı: dostyq jáne tatý kórshi jolymen» atty dóńgelek ústel ótti. Onda qazaqtyń qoǵam qaıratkeri, Alash arysy Ahmet Baıtursynov shyǵarmashylyǵyna arnalǵan «Ahmet Baıtursynovtyń Orynbordaǵy joly» kitabynyń tusaýy kesildi dep habarlaıdy Qamshy.kz aqparat agenttiginiń tilshisi.
Kitap avtory Orynbor memlekettik pedagogıkalyq ýnıversıtetiniń «Reseı tarıhy» kafedrasynyń dosenti Tatána Ivanovna Týgaı eńbeginiń tusaýkeseri úlken "Ǵylym ordasynda" ótip jatqanyna erekshe qýanyshty ekenin jetkizdi.
Sharany uıymdastyrýshy Orynbor oblystyq «Halyqtar dostyǵy úıi» qoǵamdyq uıymynyń tóraıymy, «Báıterek» qaıyrymdylyq qorynyń basqarma tóraıymy Sáýle Sovhozqyzynyń aıtýynsha, dóńgelek ústeldiń maqsaty - Orynbor qazaqtary qaýymdastyǵyna buǵan deıin belgisiz bolǵan Ahmet Baıtursynovtyń atyn tanytý, sonymen birge Alashtyń 100 jyldyǵyna oraı kitap shyǵarý bolatyn.
«Kórshilerimiz Qazaqstandy bilsin, oqý oryndarymen, ǵylym akademıalarymen tanyssyn degen maqsatta osy sharany uıymdastyryp otyrmyz. Tatána Ivanovnany birinshi ret kórip turǵan joqpyn, onymen burynnan tanyspyz. 20 jyl boıy T.Ivanovananyń Alash zıalylary týraly maqalalarymen, baıandamalaryn oqyp jınaqqa jarıalap júrdik. Halyqaralyq forýmdardyń birinde bul kisiniń A.Baıtursynov týraly baıandamasyn tyńdap, osy eńberin jınap, biriktirip Alashtyń 100 jyldyǵana qaraı kitap etip shyǵarý kerek dep oıladym. Byltyrǵy jyldyń naýryzynda osy kitapty jaryqqa shyǵarymyz dep sheshtik»,-deıdi ol.
«Ahmet Baıtursynov Orynbordaǵy joly» kitaby «Báıterek» qaıyrymdylyq qorynyń demeýshiligimen 500 tırajben jaryqqa shyqty. Aldaǵy ýaqytta kitap latyn tilinde de jaryq kóredi,-deıdi S. Sovhozqyzy.
İs-sharany Sh.Sh. Ýálıhanov atyndaǵy Tarıh jáne etnologıa ınstıtýty, A. Baıtursynov atyndaǵy Til bilimi ınstıtýty, Orynbor oblystyq «Halyqtar dostyǵy úıi» qoǵamdyq uıymy (RF), «Báıterek» qaıyrymdylyq qory (RF), Halyqaralyq «Qazaq tili» qoǵamy uıymdastyrǵan. Shaqyrylǵan, baıandama oqyǵan qonaqtar qatarynda A. Baıtursynov atyndaǵy Til bilimi ınstıtýtynyń dırektory Erden Qajybek, Sh.Sh. Ýálıhanov atyndaǵy Tarıh jáne etnologıa ınstıtýtynyń dırektory Zıabek Qabyldınov, sonymen birge Orynbor memlekettik pedagogıkalyq ýnıversıtetiniń «Reseı tarıhy» kafedrasynyń meńgerýshisi Lúbıchankovskıı Sergeı Valentınovıch jáne t.b boldy.
A.Baıtursynov, ómiri men shyǵarmashylyǵynyń az zerttelgen, kópshilik bile bermeıtin tustary Orynbor ólkesimen tyǵyz baılanysty. Demek, kitaptyń mańyzydylyǵy da osynda. Ahmet Baıtursynovtyń Orynbordaǵy tirshiligi, shyǵarmashylyǵy men eńbegin tanytý, halyqqa jetkizý.
