Alashtyń arda týǵan azamaty, qoǵam qaıratkeri Ýatqan Jarqynbaıuly aqsaqal búgin Esik qalasynda jerlendi.
Táńir isine talas joq, ózekti janǵa bir ólim bary haq.
Marqumnyń jatqan jeri jaıly, ımany joldas bolsyn! Týǵan-týystary men jerlesterine qaıǵyryp kóńil aıtamyz.
Ýatqan Jarqynbaıuly – Reseıde bilim alǵan hırýrg, qanshama syrqattyń dertine daýa tapqan adam. Qazaqtyń halyq emin batys ǵylymymen ushtastyrǵan birneshe medısınalyq kitaptyń avtory.
Mońǵolıa qazaqtarynyń belsendisi, aqyl aıtyp, jol kórseter aqsaqaly táýelsizdiktiń alǵashqy jylynda atajurtqa oraldy. Dúnıeden dámi taýsylyp, jazýy bitken sátte rıza kóńilmen attanǵany anyq.
