QR Energetıka vıse-mınıstri Baqytjan Jaqsalıev Shyǵys Qazaqstan oblysyna jumys sapary barysynda kómir ónerkásibiniń jaǵdaıy men damý keleshegi máseleleri boıynsha «Qarajyra» razrezinde kóshpeli otyrys ótkizdi, dep jazady Qamshy.kz aqparat agenttigi.

Otyrysta oblysqa kómirdi ýaqtyly jetkizý máseleleri talqylandy.

«Energetıka mınıstrligi osy kúnderi óńirlerdiń jergilikti jerlerinde kómir tapshylyǵy máselesin talqylaýda», - dedi vıse-mınıstr.

Otyrysta B. Jaqsalıev sondaı-aq mınıstrliktiń kómirdi jóneltý syzbasyn ózgertý týraly usynysyn atap ótti.

«Energetıka mınıstrligi Úkimetke kómirdi jóneltý syzbasyn qaıta qarastyrý boıynsha usynys engizedi. Halyqtyń komýnaldyq turmystyq qajettiligi – basty orynda, sodan soń jylý elektr stansıalary, al odan keıin eksport», - dep túsindirdi B. Jaqsalıev.

2017 jyly komýnaldyq-turmystyq qajettilikke jáne halyqqa arnalǵan kómir kólemi 12,5 mln. tonnany qurady, bul kórsetkish  2016 jylmen salystyrǵanda 18% artyq (10,6 mln.tonna).

«Qarajyra» AQ tehnıkalyq sıpattamasy: kómir markasy – D, BZ (uzynjalyndy kómir jáne qońyr tústi); qalatyn kúl kólemi - 18% halyq qajettiligine arnalǵan kómir arasyndaǵy sapasy jaqsy kómir qatarynan. Kómirdiń ylǵalydylyǵy - 14-16%. Janý jylýy – 4500 kKal/kg.

Shyǵys-Qazaqstan oblysynda ǵana emes, sondaı-aq basqa da oblystarda jáne shekaralas memleketterde ónimge suranys bar.

2017 jyly «Qarajyra» AQ kómir óndirý kólemi – 6,8 mln.tonnany qurady, 2018 jylǵa arnalǵan jospar – 7,6 mln. tonnany quraıdy.

2017 jylǵy jóneltilgen kómir kólemi 7,0 mln. tonnany qurady, onyń ishinde komýnaldyq turmystyq jáne halyqtyń qajettiligine jumsalǵan kómir kólemi – 2,9 mln. tonnany quraıdy.

Qarajyra – Qazaqstandaǵy kómir qoryna baı ken oryndarynyń biri, Shyǵys Qazaqstan oblysynyń Jańasemeı óńirinde, Semeı qalasynan 130 km. ońtústik-shyǵysqa qaraı ornalasqan. Kómir qory shamamen mıllıard tonnada asady.