Almatydaǵy ataýy jaqynda ǵana ózgergen Nazarbaev dańǵylyna jóndeý jumystary júrgizilip, Jansúgirov kóshesine deıin uzartylatyn boldy. Bul týraly Almaty qalasy jolaýshylar kóligi jáne avtomobıl joldary basqarmasynyń bastyǵy Maqsut Isahov Aımaqtyq baılanys qyzmetindegi baspasóz konferensıasynan keıin aıtty, dep habarlaıdy Today.kz-ke silteme berip Qamshy.kz aqparat agenttigi.

Bıyl Almatydaǵy 89 kóshege jóndeý jumystary júrgiziledi. 

"Qalanyń áleýetin kóterý úshin biz kólik joldaryn salyp jatyrmyz. Mysaly, 2017 jyly Abaı dańǵylyn Áýezov kóshesinen bastap qala syrtyndaǵy "Qalqaman" yqsham aýdanyna deıin sozyp, qoldanysqa berdik. Qazir Nazarbaev dańǵylynyń temirjoly arqyly Jansúgirov kóshesine deıingi uzartý jumystary jobalanyp jatyr", - deıdi Maqsut Isahov. 

Kólik qozǵalysy kóp bolatyn Jarokov, Zorge, Markov, Mustafın, Soltústik sheńber, Abaı, Maqataev, Iassaýı, Gagarın, Nazarbaev, Maılın, Sháripov, Baıtursynov, Qabanbaı batyr jáne Jambyl kóshelerine de jóndeý jáne qalpyna keltirý jumystary jasalady.

Sondaı-aq Maqsut Isahov 2017 jyly Almatyda 184 shaqyrym kóshe jóndelgenin aıtty.