Bul usynys qoǵamdyq keńestiń alǵashqy otyrysynda aıtyldy. Astana qalasynyń Jumyspen qamtý, eńbek jáne áleýmettik qorǵaý basqarmasy basshysynyń orynbasary Artem Ábildınov qoǵamdyq kólikte múmkindigi shekteýli balalardy alyp júrýshini de jolaqysyn tóleýden bosatýdy usyndy, dep habarlaıdy  Qamshy.kz aqparat agenttigi elorda ákimdiginiń resmı saıtyna silteme jasap. 

«Astana máslıhatynyń turaqty komısıasynyń qaýlysyna sáıkes, Astana qalasynyń Jumyspen qamtý, eńbek jáne áleýmettik qorǵaý basqarmasynyń áleýmettik-mádenı damý máselesi boıynsha múmkindigi shekteýli balalardy alyp júretin adamdarǵa da jeńildik jasaıtyn jolaqy usyný múmkindigin zertteýdi usyndy. Osyǵan baılanysty, múgedek balanyń ata-anasynyń bireýine tegin jol júrý quqyǵyn berý qarastyrylýda», – dep málimdedi Artem Ábildınov. 

Qoǵamdyq keńestiń qatysýshylary jobany biraýyzdan qoldap, maquldady. 

Esterińizge sala keteıik, arnaýly áleýmettik kómektiń jańa formatynyń engizilýine baılanysty, alynyp tastalǵan arnaıy memlekettik járdemaqylardy alatyn kópbalaly otbasylar, kópbalaly analar da osy tegin jol júrýmen qamtamasyz etiledi.