Búgin Almaty oblysy Uıǵyr aýdanynyń Shonjy aýylyndaǵy 5 mektepte aýǵan soǵysynyń ardagerlerimen kezdesý ótti, dep jazady Qamshy.kz aqparat agenttigi.
Kezdesýdiń maqsaty - Keńes áskerleriniń aýǵan jerinen shyǵarylǵanyna 29 jyl tolýyna oraı aýǵan soǵysy ardagerlerine qurmet kórsetý, olardyń erlikterin eske alý. Kezdesý keshi aýǵan soǵysynda qaza tapqan uǵlandardy eske alý maqsatynda bir mınýttyq únsizdik jarıalandy.
Atalǵan keshte Almaty oblysy Uıǵyr aýdany Shońjy aýylynyń mektep dırektory Ismaılov M.M., aýǵan-ardagerleri Alıkbaev S.D., Taıchıbekov J.T., Shońjy aýyly Qorǵanys isteri jónindegi bólimi bastyǵy maıor Gapparov S.S. Jáne mektep oqýshylary qatysty. Uıǵyr aýdanynan aýǵan soǵysyna 30 jaýynger ketip, 29-y soǵystan aman-esen oraldy. Bir jaýynger xabar-osharsyz oralmaǵan. Almaty oblysy Uıǵyr aýdanynyń Qorǵanys isteri jónindegi bóliminde 23 jaýynger-ınternasıonalıst áskerı esepte tur. Kesh barysynda ardagerler oqýshylarǵa patrıottyq sezimniń árqashan bolýyn, elimizde eshqashan soǵys bolmaýyn, jastardyń Otandy qorǵaý paryzy ekendigin este shyǵarmaýyn tilge tıek etti. Aýǵan soǵysy kezindegi uǵlandardyń erlikterin eske aldy. Kesh sońy ónerpaz oqýshylardyń konsertimen aıaqtaldy.
Novıkova Krıstına
