Almatyda 18 jasqa tolmaǵan balalar keshki ýaqytta túngi jáne kompúterlik klýbtarda bolatyn bolsa, olardy jaýyp tastaımyz. Bul týraly qala ákimi Baýyrjan Baıbek turǵyndarmen kezdesý barysynda qala turǵyndarynyń suraǵyna jaýap bere otyryp aıtty, dep habarlaıdy Zakon.kz-ke silteme berip Qamshy.kz aqparat agenttigi.

«Aldymen, ata-analar balalarynyń túni ishinde nemese keshki ýaqytta qaıda júrgenin bilýi kerek. Sondaı-aq, jergilikti polısıaǵa da qoıatyn suraq týyndaıdy, olar balalardyń túngi klýbtarda júrgenin, spırtti ishimdik ishýge ruqsat alǵanyn tekserýi qajet», - dedi ákim.

Ákim qalalyq jergilikti polısıa ókilderine kúndelikti klýbtarda tekserý júrgizýdi jáne jasóspirimderdiń ata-analarymen jumys isteýdi tapsyrdy.

 «Klýbtardyń jumysy qalaı júrip jatyr? Ondaı jaǵdaıda olardyń lısenzıasyn alyp, jaýyp tastaýymyz kerek. Eger erejege qarsy shyqsa, bárin jabý kerek», - dedi ol.

Ákim sondaı-aq, ata-analar óz balalarymen qarym-qatynas ornatý kerek ekenin aıtty. «Eger bala temeki shegýdi qalasa, onda ol shegetin jer men múmkindik tabady». Ata-analar únemi balalarymen áńgimelesip otyrýy tıis», - dedi Baıbek