Phenchhan Olımpıadasynyń qola júldegeri Iýlıa Galysheva ózine 2015 jyly Reseıdiń atynan óner kórsetý týraly usynys túskenin aıtty, dep habarlaıdy Qamshy.kz aqparat agenttigi QazAqparatqa súıenip.
Óskemendik jerlesterimen áýejaıda qaýyshpas buryn Iýlıa Galysheva jýrnalıserdiń saýaldaryna jaýap berdi. «Maǵan Sochı Olımpıadasyna bir aı qalǵanda Kanadadan usynys tústi. Tipti sol eldiń tólqujatyn da bermekshi bolǵan.
Al 2015 jyly reseılikter azamattyq usyndy. Kórip turǵandaryńyzdaı, men kelispedim. Men ózimdi ósirip, jetkizgen Qazaqstannyń ǵana atynan synǵa túsemin. Óıtkeni otanym - Qazaqstan», - dedi frıstaılshy. Iýlıa úshin Olımpıada aıaqtalǵanymen, eńbek demalysyn mamyr aıyna qaraı almaq. «Frıstaıl sportynyń maýsymy teń ortasyna keldi.
Sondyqtan, áli 2 aıdaı jarystarǵa qatysamyn. Ázirge sporttan qol úzip nemese úzilis jarıalaıyn degen josparym joq», - deıdi Iýlıa Galysheva. Ol Pehnchhan tórinde tóreshilerdiń ádil qyzmet etkenin de atap ótti. «Tóreshilerge aıtar synym joq. Ónerime laıyq baǵa berdi dep oılaımyn» - dedi olımpıada júldegeri.
