Almaty oblysynda birigip úılerinen qashqan ul men qyz tabyldy. 12 jastaǵy oqýshylardy eki kún boıy izdegen, dep habarlaıdy Qamshy.kz aqparat agenttigi QazAqparatqa súıenip. 

Oblystyq İİD baspasóz qyzmetiniń málimetinshe, 2006 jylǵy jasóspirimder İle aýdanynda turady. Baıserke aýyly mańyndaǵy saıajaılardyń birinde turatyn olar 19 aqpan kúni úılerine oralmaǵan. «İzdeý jumystary Almaty qalasynda da júrgizildi.

Muǵalimder men mektep ınspektorlary eki balany «Saıahat» aýdanynan tapty. Olar eki kún boıy osy jerde qańǵyp júrgen jáne sol mańda túnegen. Qazir oqýshylar ata-anasyna tapsyryldy. Aıta ketý kerek, eki oqýshy bir mektepte oqymaıdy», - dedi oblystyq İİD baspasóz qyzmeti. Anyqtalǵandaı, eki oqýshynyń  úıden qashýy alǵashqy  jaǵdaı emes eken.

Osy jaıtqa baılanysty olardyń ata-anasy ákimshilik jaýapkershilikke tartylatyn bolady. Sondaı-aq, jaýapty mamandar barlyq qujattardy  jınap, jasóspirimder isimen aınalysatyn ákimdiktegi komısıaǵa tapsyrǵan. Endi jasóspirimderdiń ata-anasyn ata-analyq quqyǵynan aıyrý máselesin qarastyratyn bolady.