Búgin «Qoljetimdi HQO» aksıasy aıasynda «Shapaǵat» komýnaldyq bazarynyń satýshylary men satyp alýshylary saýdasynan qol úzbeı-aq, memlekettik qyzmetterdi alý múmkindigine ıe boldy dep habarlaıdy Qamshy.kz aqparat agenttigi. «Astana – adaldyq alańy» jobasy sheńberinde júzege asyp jatqan bul aksıany «Azamattarǵa arnalǵan úkimet» memlekettik korporasıasynyń Astana qalasy boıynsha Halyqqa qyzmet kórsetý ortalyǵy departamenti uıymdastyrýda.

Eske sala keteıik, «Mega Silk Way» jáne «Han Shatyr» oıyn-saýyq ortalyqtarynda da ótkizilgen «Qoljetimdi HQO» aksıasy barysynda kelýshiler ESQ-ǵa ıe bolyp, memlekettik qyzmetterdi onlaın tártipte alý ádisimen tanysqan bolatyn.  Sondaı-aq joba aıasynda HQO ókilderi memlekettik mekemelerde, iri saýda ortalyqtarynda, orta mektepterde azamattarǵa ESQ berip, elektrondyq úkimet portaly arqyly memlekettik qyzmetterdi alýǵa mashyqtandyrdy. Aksıa bastalǵannan beri bes myńnan astam ESQ berildi.