QR Ulttyq qaýipsizdik komıteti qazaqstandyq kásipker Murathan Toqmádıdiń ustalýyna qatysty pikir bildirdi, dep habarlaıdy Qamshy.kz aqparat agenttigi. 

«2018 jyldyń 8 naýryzynda shamamen saǵat 19.20-da, 2004 jyly jeltoqsanda belgili bankır Erjan Tátishevti qashqyn olıgarh Muhtar Áblázovtyń tapsyrysy boıynsha óltirgenin moıyndaǵan kásipker Murathan Toqmadı Shákerhanuly Jambyl oblysyndaǵy oblystyq aýrýhanadan qashyp ketti. Qylmystyq ister jónindegi mamandandyrylǵan aýdanaralyq sotta ótip jatqan sot otyrysy barysynda Murathan Toqmádı densaýlyǵynyń nasharlaǵanyn aıtqan. Sol sebepti kúdikti ýaqytsha Jambyl oblystyq aýrýhanasynda bolǵan. Murathan Toqmádı júrgizilgen sharalar barysynda jedel túrde ustalyp, Jambyl oblysyndaǵy 158/1 mekemesine ýaqytsha ustaý ızolátoryna qamaldy. Qazirgi ýaqytta Toqmádıdiń qalaı jáne ne sebepti qashyp ketkeni anyqtalyp jatyr» delingen UQK habarlamasynda.

Esterińizge sala keteıik, keshe jelide Murathan Toqmádıdiń Jambyl oblystyq aýrýhanadan qashyp ketkeni týraly aqparat taraǵan bolatyn. QR İshki ister mınıstrligi Jedel basqarma ortalyǵynyń ókilderi bul aqparatty rastady. Vedomsva ókilderi qazaqstandyq kásipkerdi UQK ustaǵanyn aıtqan.