13 naýryzda atmosferalyq aǵyndardyń ótýine baılanysty Qazaqstannyń basym bóliginde qubylmaly aýa raıy saqtalady, dep habarlaıdy Qamshy.kz aqparat agenttigi.

Sınoptıkterdiń boljaýynsha, keı jerlerde jaýyn-shashyn túsip, ońtústiktiń keı jerlerinde qatty nóser jaýady. Tek batysta kún ashyq bolady.

Elimizdiń basym bóliginde tuman túsýi múmkin. Keı jerlerde kóktaıǵaq, burqasyn, jeldiń kúsheıýi kútiledi.

Shyǵys Qazaqstan oblysynyń keı jerlerinde kóktaıǵaq bolady, jaıaý burqasyn soǵyp, jeldiń ekpini 15-20 m/s-ge kúsheıýi yqtımal.

Jambyl, Ońtústik Qazaqstan, Aqmola, Qyzylorda, Qaraǵandy oblystarynyń keı jerlerinde tuman túsip, kúndiz jel 15-20 m/s-ge kúsheıedi.

Sondaı-aq Qyzylorda, Jambyl, Qaraǵandy oblystarynyń keı jerlerinde kóktaıǵaq kútiledi.

Soltústik Qazaqstan, Pavlodar, Mańǵystaý oblystarynyń keı jerlerinde tuman bolady.

Aqtóbe oblysynyń keı jerlerinde burqasynmen soǵyp, jeldiń jyldamdyǵy 18 m/s-ge jetedi.

Qostanaı oblysynyń keı jerlerinde tuman túsip, jaıaý burqasyn soǵady, jeldiń jyldamdyǵy 15-20 m/s-ge kúsheıýi kútiledi.