Saıahat jasaýdy súıesiz, biraq kóp ýaqytty talap etetin qujat daıyndaý úderisi kedergi bolyp júr me? Endeshe sizdi vızasyz shyǵýǵa bolatyn elder týraly aqparat qyzyqtyrary anyq. Rasynda, Qazaqstan azamattarynan kóp qujat talap etpeıtin elder bar jáne olar az emes. Álemdegi 194 eldiń 64 eline vızasyz shyǵýǵa bolady. Demek, álemdegi elderdiń úshten bir bóligine eshqandaı qatań talaptarsyz kirýge ruqsat etilgen.
Burynǵy KSRO elderi
Aldymen postkeńestik terıtorıadaǵy 10 eldi aıtýǵa bolady. Olar: Reseı, Belarýs, Ázirbaıjan,Armenıa, Grýzıa, Qyrǵyzstan, Ózbekstan, Ýkraına, Tájikstan jáne Moldova. Al Eýrazıalyq ekonomıkalyq odaqqa oraı Belarýs pen Reseıge, sonymen qatar, odaqqa úmitker Qyrǵyzstanǵa jeke kýáliktiń kómegimen shyǵýǵa da bolady. Odan bólek, Túrikmenstanǵa elimizdiń Atyraý jáne Mańǵystaý oblystarynyń turǵyndary 5 kúnge vızasyz óte alady.
Eýropa
Burynǵy KSRO elderinen bólek Eýropanyń da birneshe eline eshqandaı vızasyz shyǵý múmkindigi qarastyrylǵan. Naqtyraq aıtsaq, Eýropanyń Serbıa (30 kún), Albanıa (90 kún) jáne Chernogorıa (90 kún) syndy úsh eline tólqujatqa vıza baspaı kirýge ruqsat etilgen. Al eger siz osyǵan deıin eki ret Shengen vızasyn alǵan bolsańyz, onda Andorraǵa da erkin kirýge múmkindigińiz bolady.
Amerıka
Soltústik Amerıka: Antıgýa jáne Barbýda (1 aı), Gaıtı (3 aı), Barbados (28 kún), Nıkaragýa (shekarada vıza basý), Iamaıka (shekarada vıza basý – $20), Sent-Vınsent jáne Grenadın (1 aı), Domınıkan Respýblıkasy (30 kún – $10),
Ońtústik Amerıka: Argentına (30 kún) jáne Ekvador (90 kún).
Azıa jáne Afrıka
Azıa qurlyǵynda vızasyz kúrýge bolatyn 19 el bar. Olar: Túrkıa (30 kún), Laos (30 kún – $30), Lıvan (3 aı),Nepal (15 kún – $25, 30 kún – $40, 90 kún – $100), Bahreın (14 kún), Gonkong (14 kún), Iordanıa (1 aı – 10 ıordan dınary), Kambodja (30 kún – $20), Taıland (15 kún – 1000 bat), Seıshel araldary (1 aı),Fılıppın (30 kún), Shrı-Lanka (30 kún – $35), Ońtústik Koreıa (Koreıa Respýblıkasy) (30 kún), QytaıdyńHaınan araly (15 kún), Monǵolıa (90 kún), Makao (30 kún), Maldıv araldary (30 kún), Malaızıa (1 aı) jáne Shyǵys Tımor (30 kún – $30).
Qazaqstandyqtarǵa Afrıkadaǵy vızasyz ashyq elder: Býrýndı (shekarada vıza basý), Gvıneıa (shekarada vıza basý – $80), Djıbýtı (1 aı – 5000 djıbýtı franki), Zambıa (3 aı – $50), Kabo-Verde (shekarada vıza basý),Kenıa (3 aı – $50), Komor araldary (shekarada vıza basý), Mavrıkıı (60 kún), Mavrıtanıa (shekarada vıza basý), Malı (shekarada vıza basý), Mozambık (30 kún – $25), Namıbıa (3 aı), Somalı (30 kún), Togo (7 kún – 35000 Batys Afrıka franki), Ýganda (3 aı – $50), Týnıs (vızasyz el).
Muhıttaǵy araldar
Muhıttaǵy araldarda demalýdy josparlaǵan qazaqstandyqtar úshin myna aqparat paıdaǵa asary anyq. Munda Qazaqstan azamattary úshin Batys Samoa (60 kún), Tývalý (1 aı), Nıýe (30 kún), Mıkronezıa Federatıvti shtattary (30 kún), Palaý (30 kún) elderi ashyq.
Ózderińiz baıqaǵandaryńyzdaı, el azamattarynyń saıahattaýyna kóptegen elderde qolaıly jaǵdaı jasalǵan. Eskerte ketetin jaıt, kez kelgen týrısik el vızanyń qunyn ózi baǵamdaıdy. Sondyqtan saparǵa shyǵar aldynda anyqtap alǵanyńyz jón.
Derekkóz: Masaget
