Búgin atmosferalyq fronttardyń ótýine baılanysty Qazaqstannyń basym bóliginde aýa raıy qubylmaly bolady. Jaýyn-shashyn túsip, keı jerlerde nóser jaýyn jaýady dep jazady Qamshy.kz aqparat agenttigi. 

Bul týraly QR İİM TJK baspasóz qyzmeti habarlaıdy. Tek ońtústik jáne ońtústik-shyǵysta aspan ashyq bolady. Respýblıkanyń keı jerlerinde jel kúsheıedi, tuman, kóktaıǵaq, burqasyn bolady. Eldiń ońtústik bóliginde keı jerlerde naızaǵaı oınaıdy.

Aqmola, Qostanaı, Soltústik Qazaqstan oblystarynyń keı jerlerinde tuman, kóktaıǵaq bolady, jeldiń jyldamdyǵy 15-20 m/s-ǵa jetip,  burqasyn  soǵady. Atyraý, túnde Batys Qazaqstan oblystarynda keı jerlerde tuman, kóktaıǵaq kútiledi. Aqtóbe,  Shyǵys Qazaqstan oblystarynyń keı jerlerinde tuman, kóktaıǵaq bolady, jeldiń kúshi 15-20 m/s-ǵa jetedi. Qaraǵandy,  Pavlodar oblystarynyń keı jerlerinde tuman, kóktaıǵaq bolady, kúndiz jeldiń jyldamdyǵy 15-20 m/s bolady.

Jambyl oblysynda jeldiń kúsheıýi keı jerlerde 15-20, ekpini 23-28 m/s bolmaq.  Ońtústik Qazaqstan, Qyzylorda oblystarynda túnde keı jerlerinde jeldiń kúsheıýi 15-20 m/s, kúndiz 15-20, keı jerlerde 23-28 m/s; Qyzylorda oblysynda kúndiz keı jerlerde naızaǵaı kútiledi. Mańǵystaý, túnde Almaty oblystarynda keı jerlerinde jeldiń kúsheıýi 15-20 m/s-ǵa jetedi.