Semeı qalasynyń irgesindegi Balta-Taraq aýyly 20 jyldan beri jaryqsyz otyr. Osynshama ýaqyt qara túnekte kún keshken halyq barlyq órkenıetten qol úzip, tipti teledıdardyń da túrin umytyp qalǵan.

"Sondyqtan elde ne bolyp jatqanynan beıhabarmyz", -deıdi. Aýyldyqtar bul máseleni aıtyp talaı tabyldyqyrty tozdyrypty. Biraq jergilikti basshylar eshkim aryzdanyp kelgen joq dep tań qaldyrdy.

Qaladan 24 shaqyrym qashyqtyqta ornalasqan Balta-Taraq eldi mekenin tabýdyń ózi qıyn. Ataýy jazylǵan mańdaısha da ornatylmapty. Al jaryq taratatyn baǵanalar bolǵan, biraq 1995 jyly órtenip ketken.

Sonan beri mundaǵy 20-ǵa jýyq otbasy "jaryqsyz otyrmyz", -deıdi. Al máseleniń mánisin aıtyp ákimderge barǵanymen, mardymdy jaýap ala almaǵandaryn aıtady.

"Baǵana men joǵarydan tartylatyn symdy 1 mıllıon deıdi. 1 mıllıondy biz qaıdan tabamyz? Oǵan múldem jaǵdaıymyz kelmeıdi. Qolymyzda bary sıyr ǵana. Bir-bir sıyrdan bereıik degenbiz. Biraq jabýly qazan jabýly kúıinde qaldy", - deıdi  Balta-Taraq aýylynyń turǵyny Úsen Hasenov.

Aýyldyqtar as qamdaý úshin ot jaǵyp, samaýryn qaınatyp kúneltedi. Tyǵyryqtan shyǵý úshin túrli tásilderdi qoldana bastaǵan. Ózderin jaryqpen qamtý úshin ár baspana motor onatyp alypty. Janarmaımen isteıtin qurylǵy eski bolǵandyqtan, jıi isten shyǵady eken. Al onyń saımany da joqtyń qasy.

Baǵana men joǵarydan tartylatyn symdy 1 mıllıon deıdi. 1 mıllıondy biz qaıdan tabamyz? Oǵan múldem jaǵdaıymyz kelmeıdi.

"Óship qalady 1-2 saǵat janǵanan keıin. Kúnine 400-500 teńgeniń aqshasy ketedi benzınge. Aıyna bir 10-15 myńdaı aqsha ketip jumsaımyz benzınge", - deıdi aýyl  turǵyny Dýman Ámirov.

Aýyl ákimdigindegi  bas mamannyń sózinshe, talaı jyldyń júzi bolsa da, turǵyndardyń eshqaısysy jaryqqa qatysty ótinish aıtyp kelmegen. "Sondyqtan, aýyl elenbegen", -deıdi. Qazirgi tańda, jaryqpen qamtý joldaryn qarastyra bastapty.

"Halyqty jınaımyz. Mán-jaıdy túsindiremiz. Qajetti elektrdiń qýatyn esepteý kerek. Olarǵa jaryq taratýshy mekemege ótinish túsirýge kómektesemiz. Smetalyq qujat ázirleý úshin jobalaýshy kompanıalardyń qyzmetine júginbekshimiz", - deıdi  Ozerka aýyldyq okrýgi ákimshiligi apparatynyń bas mamany Erǵalı Baıtasov.

Jaryqty jaqyn ornalasqan Znamenka nemese Jarqyn aýyldarynyń birinen tartý kózdelip otyr. Dese de mamandar bul máseleni "Bıznestiń jol kartasy -2020" baǵdarlamasyna engizsek, jyldam sheshimin tabady degen úmitte.

Sondyqtan halyqtyń tilegin oryndaý úshin qoldan kelgeniń bárin jasaýǵa tyrysamyz dep otyr. "7 arna"