Sońǵy aılarda áleýmettik jeliler men BAQ betterinde Reseı prezıdenti Vladımer Pýtınniń densaýlyǵyna qatysty san túrli qaýeset tarady.  Álemdik saıasatta eń aılaker fashıstik Germanıanyń qolbasshysy bolǵan Gıtlerden keıin oıyp turyp oryn alǵan Pýtınniń syrqatyna  baılanysty taǵy bir tyń aqparatty Amerıkalyq  "USA Today" basylymy jarıalap otyr. Arnaıy Pentagonnyń tamsyrmasy boıynsha ázirlengen zertteý jumystarynyń qorytyndysy boıynsha Reseı Prezıdenti V. V. Pýtın sońǵy kezderi "Aspergera" aýrýyna shaldyqqan mys. Al Prezıdent densaýlyǵyna qatysty  málimetter halyqaralyq "Aqparat Bostandyǵy" (FOIA) uıymymnan alynǵan.

"Aspergera" - bul "aýtızmniń" bir túri.  Al "aýtızm" - adamnyń oılaý, sheshim qabyldaý júıeleriniń buzylýy degendi bildiredi.  Zertteýshilerdiń biri-Brend Konnors Reseı prezıdenttiń halyqaralyq, federaldyq kongresterde jasaǵan baıandamalaryna, ózin-ózi ustaýyna saraptama jasaı kele, Pýtınde "nevrologıalyq aýytqýlar" bar degen tujyrymǵa kelgen.  Brend Konnors Pentagonnyń saıası-ǵylymı zertteý ortalyǵynda Reseı prezıdenti Pýtınniń is-qımyldaryn 2008 jyldan beri zerttep keledi eken. Jeti jyl júrgizilgen zertteýlerdiń qorytyndysy boıynsha Pýtınniń  sońǵy kezdegi Ýkraınaǵa qatysty , Mınsk kelissózderindegi t.b.  qabyldaǵan sheshimderine tikeleı osy syrqatynyń áser etkenin baıandaıdy.