Ál-Farabı atyndaǵy Qazaq ulttyq ýnıversıtetiniń ujymy Shyǵys Qazaqstan oblysyndaǵy sý tasqynynan zardap shekkenderge qarjylyq kómek kórsetti.

QazUÝ ǵalymdary men oqytýshylary sý tasqyny kezinde qıyn jaǵdaıǵa tap bolǵan jandarǵa kómek kórsetý úshin bir kúndik eńbek jalaqylaryn aýdarý jónindegi joǵary oqý orny basshylyǵy men kásipodaq komıtetiniń usynysyn biraýyzdan qoldady.

«Biz kúndelikti jańalyqtardan apat saldarynyń qalaı joıylyp jatqanyn kórip otyrmyz, osy óńirdiń turǵyndarynyń qaıǵysyna ortaqpyz. Adamdar baspanasyz qaldy, múlikterinen aıryldy. Osyndaı qıyn tusta búkil el olarmen birge ekendigin sezingen óte mańyzdy», - dep atap ótti Fılosofıa jáne saıasattaný fakúltetiniń dekany Álıa Masalımova.

 Eshbir kafedra, eshbir oqytýshy, ýnıversıtettiń eshbir bólimi tys qalǵan joq. Ýnıversıtet qyzmetkerleriniń materıaldyq kómegi arnaıy qarajat esebine aýdaryldy, qarajat jınaý jumysy odan ári  jalǵastyrylatyn bolady.

«Biz zardap shekkenderden alystamyz, alaıda osy jınalǵan qarajat olarǵa qandaı da bir járdem bolar dep úmittenemiz. Sý tasqynynan zardap shekken aýdandarda bizdiń keıbir oqytýshylarymyzdyń týysqandary men tanystary turady, sondyqtan da biz olardyń qaıǵysyn jeke basymyzdyń qaıǵysyndaı qabyldaımyz», - dedi Jýrnalısıka fakúltetiniń dosenti Marlan Negizbaeva.