QazUÝ elimizdiń joǵary oqý oryndarynyń ishinde tuńǵysh ret QS Stars - «Tórt juldyz» artyqshylyq belgisine ıe boldy.

QS Agenttiginiń 2018 jyly júrgizgen derbes baǵalaý nátıjeleri boıynsha QazUÝ «QS Stars Development Road map» halyqaralyq reıtıńisiniń «Tórt juldyz» artyqshylyq belgisin Qazaqstanda birinshi bolyp ıelengen Ortalyq Azıa aımaǵyndaǵy jalǵyz ýnıversıtet boldy.

0-den 5 juldyzǵa deıingi QS reıtıńisi joǵary oqý oryndarynyń keń aýqymdy qyzmetin belgileıtin jáne ýnıversıtetterdiń joǵary halyqaralyq standarttarǵa sáıkestigin anyqtaıtyn 50-den astam kórsetkishterdi keshendi taldaý nátıjesinde anyqtalady.

QazUÝ-ǵa QS «Tórt juldyz» artyqshylyq belgisiniń taǵaıyndalýy ýnıversıtettiń joǵary halyqaralyq bedeli men jahandyq ǵylymı jáne bilim berý keńistiginde kóshbasshylyq orynǵa ıe ekendiginiń dáleli. Artyqshylyq juldyzdary ýnıversıtettiń myqty tustaryn kórsetedi jáne seriktester men oqýǵa túsem deýshilerge joǵary oqý ornyn tańdaýǵa járdemdesedi.

Osylaısha, QazUÝ birqatar kórsetkishter boıynsha «5 juldyz» ıelendi, atap aıtqanda, bilim berý qyzmetterin kórsetý, ınternasıonızasıalaný deńgeıi, ınfraqurylym jáne ınklúzıvti bilim berý júıesin damytý.

TMD elderinde QS-tyń tórt juldyzy tek bes ýnıversıtetke berilgendigin atap ótý qajet, olar – ál-Farabı atyndaǵy QazUÝ jáne Reseıdiń tórt ýnıversıteti.