Kemerovo oblysy halyqtyq depýtattar soveti seısenbide ótken kezekten tys sesıa barysynda óńirdiń burynǵy gýbernatory Aman Tóleevti Kýzbass parlamentiniń tóraǵasy etip biraýyzdan taǵaıyndady.

Aman Tóleevtiń kandıdattyǵyna 39 adamnyń 38-i daýys bergen, bir adam ǵana qarsy daýys berdi.

Tóleevtiń ózi «Zımnáá vıshná» oıyn-saýda ortalyǵynda bolǵan oqıǵadan keıin qudaı aldyndaǵy aryn taza dep esepteıdi. Óziniń aıtýynsha, qolynan kelgenniń bárin istegen.

«Qaıǵy bolǵanda adam synalady. Biraq sizder meni tastap ketpedińizder. Sizderdiń taraptaryńyzdan qoldaý bolǵanyn sezindim. Kóp raqmet! Meniń taǵaıyndalǵanymdy halyq qatty talqylaıtyn, tipti qaralaıtyn bolady, bilemin», - dedi Tóleev parlamentte sóz sóıleý barysynda. 

Sondaı-aq Kýzbass úshin talmaı eńbektenetinin jetkizdi.

«Búgingi kúni depýtattardyń, komandanyń eńbeginiń arqasynda biz gúldenip kele jatqan Kýzbasspen maqtana alamyz. Oblysty jańa gýbernatorǵa tap-taza, tirshiligi qaınap turǵan qalpy tapsyramyn», - dedi Tóleev.

Aıta keteıik, Kemerovo oblysyn 20 jyl basqarǵan Tóleev «Zımnná vıshná» oıyn-saýyq ortalyǵyndaǵy órtten keıin otstavkaǵa ketken. Órt saldarynan 64 adam qaza tapty, olardyń kóbi balalar.