19 sáýirde «Din salasyndaǵy memlekettik saıasattyń 2017-2020 jyldarǵa arnalǵan tujyrymdamasy» jáne «Qazaqstan Respýblıkasynda dinı ekstremızm men terorızmge qarsy is-qımyl jónindegi 2018-2022 jyldarǵa» arnalǵan memlekettik baǵdarlamasyn júzege asyrý aıasynda DİAQM DİK Mádenıetter men dinderdiń halyqaralyq ortalyǵynyń uıymdastyrýymen «Dinı ekstremızm men terorızm kórinisteriniń aldyn alý jónindegi sharalar men mehanızmder» atty respýblıkalyq semınar-trenıng ótti, dep habarlaıdy Qamshy.kz aqparat agenttigi.
Semınar jumysyna Qazaqstan Respýblıkasy Din isteri jáne azamattyq qoǵam vıse-mınıstri B.S.Aryn, QR DİAQM Din isteri komıtetiniń tóraǵasy E.A.Ońǵarbaev, Bas Prokýratýra janyndaǵy Quqyq qorǵaý organdary Akademıasynyń arnaıy quqyqtyq tártip kafedrasynyń meńgerýshisi N.Sh.Jempıisov, psıhologtar men psıhoterapevter Qaýymdastyǵynyń múshesi L.S. Shakımova, «Terorızmge qarsy komıtet» RQB Tóralqa tóraǵasy A.Z. Orazbaev, sonymen qatar antıterrorlyq daıyndyq ortalyǵy, respýblıkalyq ardagerler men patrıottyq uıymdar, memlekettik organdar, ǵylymı-sarapshylyq qaýymdastyq jáne ÚEU ókilderi qatysty.
«Komıtet dindi destrýktıvti maqsatta paıdalanýdyń kez-kelgen áreketterin boldyrmaý jáne aldyn alý úshin barlyq sharalardy qoldanatyn bolady. Osyǵan baılanysty dinı ekstremızm men terorızmniń aldyn alý boıynsha keshendi sharalardy jetildirýge, sondaı-aq barlyq dinı qyzmet sýbektileriniń dinı qyzmet salasyndaǵy zańnamany saqtaýyn qamtamasyz etýgebaǵyttalatyn bolady», – dedi DİAQM Din isteri komıtetiniń tóraǵasy E.A.Ońǵarbaev.
Semınar barysynda Bas Prokýratýra janyndaǵy Quqyq qorǵaý organdary Akademıasynyń arnaıy quqyqtyq tártip kafedrasynyń meńgerýshisi N.Sh.Jempıisov terorızmge qarsy áreket etýdiń jańa mehanızmderi týraly málimdeme jasady.
Semınar-trenıng qatysýshylary, ásirese, jastar ortasynda dinı ekstremızm men terorızm kórinisteriniń aldyn alýda úkimettik emes uıymdardyń rolin arttyrý kerektigin alǵa tartty.
Psıhologtar men psıhoterapevter Qaýymdastyǵynyń múshesi L.S. Shakımova semınar qatysýshylaryna radıkaldy kózqarastaǵy adamdar sanasyna utymdy áser etý prosesinde kommýnıkatıvtik tehnologıalardy qoldanýǵa baǵyttalǵan saǵattyq trenıń ótkizdi.
Terorızmge qarsy kúres ortalyǵynyń aǵa oqytýshysy, QR DİAQM Respýblıkalyq aqparattyq-túsindirý tobynyń sarapshy-saıasattanýshy R. Irjanova: «Halyqpen aqparattyq jumys áýesqoı tájirıbe salasy emes, ol – naǵyz kásibı qyzmet. Dástúrli emes dinı aǵym ókilderi men mısıonerler syndy aqparattyq agresorlar syn-tegeýirinderine tek kásibı mamandar ǵana jaýap qatýy tıis», – dep málimdedi.
Semınar-trenıng qortyndysy boıynsha qatysýshylar arnaıy sertıfıkattarmen marapattaldy.
