Búgin Rahat Álıevtiń ómirden ozǵany jaıly aqparat tarady. Facebook áleýmettik jelisinde R.Álıevtiń resmı paraqshasy retinde usynylǵan bette 23 aqpan, ıaǵnı keshe ǵana onyń ákesine jazǵan haty jaryq kórdi. "Qamshy" osy jazbany nazarlaryńyzǵa usynady.
Áke, sen qaıtty degen habar meniń qabyrǵamdy qaıystyrdy. Munda, Venanyń tergeý ızolátoryna habar kesh jetedi. Qazir sizge arnap bir aýyz sóz aıtý maǵan aýyr. Sebebi, ekeýimizdiń aramyzda kóp nárse aıtylmaı, jasyryn qaldy. Sen maǵan árqashan úlgi bolatyn ediń. Seniń izińdi qýyp, men de sen sekildi medısına salasynda bilim aldym. Dáriger-hırýrg boldym. Áke, sen Qyzylordanyń qumdy boranynda, joqshylyqta, ómirdiń taýqymetin tartyp óstiń. Biraq, soǵan qaramaı, medısınanyń úlken shyńyna jettiń. Bul, birinshiden, seniń qaıtpas qajyrlylyǵyńnyń arqasy edi. Sonan soń, QR medısınasyn óz qolyńa aldyń, basqardyń. Maǵan bir jaǵynan qıyn, ekinshi jaǵynan ońaı boldy. Seniń tanymaldylyǵyńnyń arqasynda men de bılikke keldim.
Sen "kómekke muqtaj pasıentke qolyńnan kelgenshe kómek berý meniń paryzym" deýshi ediń. Muqtajdarǵa bolysý, kómek berý seniń el súıgen qasıetterińniń biri edi. Biz otbasymyzda, osy seniń keń júregiń qanshaǵa jeter eken dep alańdaýshy edik. Biraq, bul seniń tańdaýyń ekenin men jaqsy túsindim. Sen medısınadaǵy Álıevterdiń dınastıasyn qurdyń. Seniń shákirtteriń Qazaqstannyń shar tarabynda, olar endi ózderi doktor, kandıdat jáne myqty hırýrgter tárbıeleýde. Men UQQ basqarýǵa taǵaıyndaǵan kezde seniń reaksıańdy áli umytqan joqpyn. Sen: "Qolyńdy bylǵama!" dep ediń. Sondaı-aq, "UQQ, UQQ - bul óte las saıasat"deýshi ediń. Sonda sen: "Sen esh nárseni ózgerte almaısyń. UQQ- bul memlekettik bılikke paralleldi-bılik jáne ol árqashan las nárselermen aınalysady"dep ediń. Men UQQ-da istegenimniń bir ǵana qaıyry bolsa, ol UQQ arhıvinen atam týraly derekterdi tapqanym boldy. Tipti, arhıvterdiń arasynda atamnyń sýreti de bolǵan edi. 1985-1987 jj. Onyń basyna kún týǵan kezde onyń janynda eshkim qalmaǵan edi. Sonda, Sen, Vladımer Nı jáne Syzdyq Ábishev qana bolǵan edińder. Sonda sen óz erkińmen mınıstrlik oryndy bosatyp, otstavkaǵa kettiń. Seniń bul oryndy bosatýyńnyń basty sebebi, ony tyǵyryqtan shyǵarý edi. Saǵan bılik, mánsap eshqashan qyzyq emes edi. Sen "dáriger retinde men halyqqa kerekpin" dediń. Bizdiń otbasymyzǵa kóńil aıtqan hatynda eki túrli oı bildirgen. Oǵan rahmet. Eń quryǵanda meniń balalarym, seniń nemerelerińe seniń jerleý rásimińe qatysýǵa ruqsat berdi. Ol bul dúnıede eshkimniń máńgi emes ekenin túsinse kerek. Maǵan (seniń jalǵyz ulyńa) qazir óte qıyn. Seniń aldyńdaǵy perezenttik paryzymdy óteı almaǵanyma qınalam. Biraq, bul ýaqyt keletinine men senem. Rahat Muhtaruly Álıev P.S. Men barlyq týǵan-týys, dos, baýyrlar men jaqyndaryma rahmet aıtam. Sonymen qatar, ákemniń jerleý rásimine qatysqan barlyq tanystary men shákirtterine rızashylyǵymdy bildirgim keledi. Ákem týraly estelikter sizderdiń kóńilderińizden sýymaıynsha, ákem máńgi jasaıtyn bolady.
