Armenıadaǵy tártipsizdikterge halyqtyń bolashaqqa degen senimsizdik pen qanaǵattaný seziminiń joqtyǵy jáne  áleýmettik qıyndyqtardyń bolýy túrtki boldy, - dep málimdedi Armenıa  prezıdenti Armen Sarkısán.

Sonymen qatar el prezıdenti Serj Sargasánnyń premer-mınıstr qyzmetinen ketkenin baǵalaıtynyn jetkizdi. Ol sheshimi eldegi qaqtyǵystardyń aldyn alǵan.

Erevanda 13 sáýirden bastap  Serj Sargsánnyń Úkimet basshysy  qyzmetine kelgenine baılanysty narazylyq aksıasy ótti.

Serj Sargsán 2008-2018 jyldarǵa deıin Armenıa prezıdenti bolǵan. Osy ýaqytta ol Konstıtýsıaǵa ózgerister engizip, premer-mınıstr ókilettigin keńeıtken. 17 sáýirde prezıdenttik ókilettigi aıaqtalǵannan keıin, narazylyqqa qaramastan úkimet tizginin qolyna alǵan.

23 sáýirde Armenıada on shaqty kúnge sozylǵan opozısıa sherýinen soń premer-mınıstr Serj Sargsán otstavkaǵa ketti. Budan sál buryn jeksenbi ustalǵan narazylyq jetekshisi Nıkol Pashınán qamaýdan bosatyldy.