Astana turǵyny ultaralyq jáne áleýmettik arazdyqty týdyrdy degen kúdikpen sottaldy, dep habarlaıdy Qamshy.kz aqparat agenttigi tengrinews.kz-ke silteme jasap.
Astana turǵyny "Abý-Dabı Plaza" kúzetshileri men sheteldik qyzmetkerlerdiń arasyndaǵy shıelenis kezinde áleýmettik jelide zańǵa qaıshy áreketterge shaqyrǵan.
«Sot ony QR QK 174 baby 1 bólimi boıynsha kináli dep tapty. Er adam áleýmettik jeli arqyly "Abý-Dabı Plazada" qurylysta jumys isteıtin shetel azamattaryna qarsy áreket etýge shaqyrǵan» dep habarlady №2 Esil aýdandyq sot tóraǵasy Qanat Tobaǵalıuly.
«Facebook arqyly ol adamdardan kómek surap, shetel azamattaryna qarsy áreket etýge shaqyrǵan, biraq tekserý jumystary kezinde onyń jaman oıy bolmaǵan. Bolǵan jaǵdaıdy kórgende áleýmettik jelige jazǵan» dedi sýdıa.
Astana turǵyny 2 jylǵa bas bostandyǵynan aıyrylǵan, biraq sot sheshimine qatysty shaǵymdanǵannan keıin 1 jylǵa qysqardy.
Esterińizge sala keteıik, 2017 jyly qyrkúıek aıynda Astanadaǵy "Abý-Dabı Plaza" aýmaǵynda Úndistan men Qazaqstan jumysshylary arasynda shıelenis boldy. Ol ýaqytta kúzetshi mas kúıindegi Úndistan azamatyn syrqa shyǵarmaǵan.
