Búgin Soltústik Koreıa lıderi Kym Chen Yn Japonıa aralyna qarsy qos birdeı balıstıkalyq zymyran ushyrdy. Bul týraly Qamshy.kz portaly habarlaıdy.

Resmı Tokıo ázirge Soltústik Koreıanyń bul áreketine jaýap qatqan joq.

Alaıda búgin tańergeńgisin Ońtústik Koreıa, AQSH pen Japonıa-nyń birlesken áskerı jattyǵýlaryna narazylyq retinde Japonıa araldaryna baǵyttalǵan qos birdeı jaqyn qashyqtyqqa ushatyn balıstıkalyq zymyran ushyrdy.

Naýryzdyń aıaǵyna deıin jalǵasytan "Key Resolve"  jáne "Foal Eagle" úsh jaqty áskerı-oqý jattyǵý sharalaryna narazylyq bildirgen KHDR lıderi Ońtústik Koreıaǵa AQSH-pen birikken jaǵdaıda ıadrolyq qarý qoldanatynyn eskertken.

Alaıda, KHDR-nyń batys jaǵalaýynan ushyrylǵan zymyrandar 490 km qashyqtyqtan keıin sýǵa qulaǵan.

Naýryzdyń 2-si kúni bastalǵan "Key Resolve"  jattyǵýy osy aıdyń aıaǵyna deıin jalǵasatyn bolsa, "Foal Eagle" jattyǵýlary sáýirdiń orta shenine deıin júrgiziletin bolady.

Eske sala ketsek, Phenán byltyrǵy jyly da atalmysh oqý-jattyǵýlary kezinde qarsylyq bildirgen bolatyn. Tipti, Kym Chen Yn  qos Koreıa arasyndaǵy shekarany jaýyp, telefon baılanystaryn úzgen edi.

Ázirge Japonıa premer mınıstri Sındzo Abe Ońtústik Koreıamen áskerı yntymaqtastyqty arttyratynyn aıtqan. Sondaı-aq, Japonıa áýe jáne teńiz áskerlerine saqtyq sharalaryn nyǵaıtýdy tapsyrǵan.