Ataqty sazger Altynbek Qorazbaev jerge talasyp seriktesiniń jesirin sotqa berdi. Búgin Almatydaǵy Áýezov aýdanynyń soty Altynbek Qorazbaevtyń shaǵymy boıynsha isti qarady.

Belgili kompazıtor bir jyl buryn qaıtys bolǵan seriktesi Quljanov Syrymǵa óner mektebin saldyrtqan. Keıinnen qalǵan jerdi kásipkerdiń atyna jazyp bergen.

"Endi mektep qoldanýǵa jaramsyz" degen kompazıtor Qorazbaev  kásipkerdiń jesirinen sot arqyly jerdi alyp alýdy kózdep otyr.

Sottalýshynyń advokaty Mına Amır Valıeva: "Birinshiden, eki ret ótken sot prosesine kompozıtor men onyń zańgeri kelmedi. Bul syılamaǵandyq dep oılaımyn. Ekinshiden, bizde notarıýs arqyly bekitilgen zańdy qujat bar. Zańǵa súıensek, bizdiki durys. Altynbek Qorazbaev óz ataǵyn paıdalanyp, bizge jala jaýyp otyr", - degendi aıtty.

Al Altynbek Qorazbaevtyń ózi: "Qaıtys bolǵan Quljanov Syrym salǵan óner mektebi qoldanýǵa múlde jaramsyz. Mine tórt jyl boldy. Osy ýaqyt aralyǵynda qansha shákirt tárbıelep tastaǵan bolar edim. Bul meniń ári otbasymnyń kishkentaı ǵana qarap otyrǵan kásibimiz. Meniki durys. Adalmyn. Aqpyn. Men qazir aqtalǵanymmen ol bos sóz bolyp qalady. Sot núktesin qoıady", - degendi alǵa tartty. nur.kz