Densaýlyq saqtaý mınıstriniń orynbasary Erik Baıjúnisovtyń aıtýynsha, jabyq mekemelerdegi qurt aýrýyna shaldyqqan naýqastardy emdeý deńgeıi 85 paıyzǵa jetken. Elimizdegi túrmelerde týberkýlezge qarsy kúres kóńil kónshitpeıdi. Búgin Májilis qabyrǵasynda ótken Áleýmettik-mádenı damý komıtetiniń kezekti otyrysynda osy másele kozǵaldy. Halyq densaýlyǵy jaıynda baıandama jasaǵan Densaýlyq saqtaý mınıstriniń orynbasary Erik Baıjúnisovtyń aıtýynsha, jabyq mekemelerdegi qurt aýrýyna shaldyqqan naýqastardy emdeý deńgeıi 85 paıyzǵa jetken. Budan bólek, qoǵam dertine aınalǵan araqqa salyný, shylym shegý syndy zıandy ádettermen qalaı qúresip jatqanyn baıandady.Osy rette sóz alǵan depýtattar halyqaralyq tájırıbeni jınap, tıisti mınıstrlikter tize qosyp kúresý kerektigi aıtyldy. Máselen, Norvegıada, mereke kúnderi, demalys kúnderi araq satýǵa tyıym salynǵan. Ony buzǵan meıramhana, dúkender lısenzıadan aırylady. Norvegıanyń osy tájırıbesin Reseı de engizip jatyr. «Týberkýlezdiń taptyrmas emi - qymyz. Al, bizde osy ulttyq taǵamnyń óndirisi jolǵa qoıylmaı keledi»,dep ashyndy depýtat Aldan Smaıyl. Onyń aıtýynsha, Germanıanyń ózinde 50 mamandandyrylǵan qymyz fermasy bar. Al, Reseı jylyna 500 tonna balalar taǵamyn daıyndaıdy, osy qymyzdan. Iakýtıanyń ózinde barlyq balabaqsha, mektepterdegi balalarǵa tegin qymyz beriledi eken.
Aldan Smaıyl, Qazaqstan Respýblıkasy Parlamenti Májilisiniń depýtaty:Ekinshi másele - tamaqtaný. Ózimiz qandaı tamaq iship otyrmyz, sony zerttedik pe? Sondyqtan ózimizdegi tamaq ónimderin óndirýge ýaqyt jetti. http://kaztrk.kz
Pikir qaldyrý