Shymkentte ıspanıalyq "Realdyń" jankúıeri óz komandasynyń Chempıondar lıgasy fınalyndaǵy jeńisine 10 mıllıon teńge tikti, dep habarlady SportX.kz. 

Aıta keteıik, Kıev tórinde ıspannyń "Real Madrıdi" aǵylshynnyń "Lıverpýlin" 3:1 esebimen utqan bolatyn. Táýekelshil fanattyń boljamy dál kelip, 17,1 mıllıon teńge utysqa ıe boldy. Iaǵnı, ol 90 mınýttyń ishinde óziniń aqshasyna 7,1 mıllıon teńge qosyp aldy.

Rrosports.kz portaly jazǵandaı, machtaǵy qyzyqtyń bári úzilisten keıin boldy. 51-mınýtta qaqpashy Lorıs Karıýstyń óreskel qateliginen keıin Karım Benzema esep ashty. Biraq tórt mınýttan soń Sadıo Mane tarazy basyn teńestirgen. Al 64-mınýtta Marselonyń qaptaldan asyrǵan pasynan soń Garet Beıl qaıshylaı soqqy jasap, "Real" taǵy da alǵa shyqty. Bul golmen madrıdtik komanda toqtap qalǵan joq. 83-mınýtta Beıldiń alystan jasaǵan soqqysyn Karıýs ustap turyp, jiberip aldy. Osylaısha "Real" qatarynan úshinshi jyl Chempıondar lıgasyn jeńip aldy.