Air Astana ushaǵynyń apattyq jaǵdaıda qonýynyń sebepterin "Qazaqstan áýe joly" ulttyq áýe kompanıasynyń birinshi prezıdenti Amantaı Joldybaev aıtty. Bul týraly ekonomıkalyq sholýshy Denıs Krıvosheev óziniń Facebook-tegi paraqshasyna jazypty.
Eske salsaq, 22 mamyrda Shymkentten shyqqan KS352 reısi Astanada qolaısyz aýa raıynda apattyq jaǵdaıda qonǵan. Ushaq ázirge anyqtalmaǵan sebepterden, jolaq pen magıstarldy jol arasyna túsip, óz jolyndaǵy belgilerdi basyp ótken. Qýanyshqa oraı, eshkim zardap shekpedi. Málimetterge qaraǵanda, ushqysh sheteldik áıel bolǵan.
Amantaı Joldybaevtyń aıtýynsha, dıspecherlik qyzmet te, qyzmetkerler de barlyǵyn durys oryndaǵan. Qazgıdromet te aýa raıyna qatysty málimetterdi durys berip otyrǵan. Qaýip týraly aldyn ala eskertilgen.
"Astana áýejaıynyń jolaǵy qalypty jaǵdaıda. Meniń oıymsha, ushaqtyń jolaqtan shyǵyp ketýiniń sebebi —tártipsizdik pen ushaq komandıriniń, ekıpajdyń ushaqtyń durys qonbaýy jaǵdaılaryna nemquraıly qaraýynan boldy. Shetki jolaqqa shyǵyp ketý degen óte qaýipti. Olar jaýyndy aýa raıy bolǵandyqtan, dymqyl jerge kirip ketýi múmkin edi. Osy jerde tipti órt bolýy da múmkin edi",-deıdi ol.
A.Joldybaevtyń aıtýynsha, ushaq komandıri ekinshi aınalym jasaýy kerek edi. 200 shaqyrym jerde Qaraǵandy áýejaıy bar. Bul jerde komandır avıasıalyq tártipti qurmettemeı otyr. Alaıda bul talaptar, bylaısha aıtqanda "qanmen" jazylǵan. Ondaǵy árbir tarma qaýipti apattardan keıin jazylǵan. Munda qansha adamdardyń ómirleri táýekelge tigýli!
"Baıaǵyda shetelden mamanardy aldyrtqanda, olardyń árqaısysyn joǵarǵy attestasıalyq komısıada qaraıtynbyz. Qazir bul organ jabylǵan. Ol ýaqytta shaqyrylǵan mamandardan 500 saǵattan kem emes tájirıbe talap etiletin. Eger ushaq komandırin shaqyrsaq, onda ol A320 sıaqty ushaqtarda 500 caǵattan kem ushpaǵan bolýy tıis edi. Ekinshi ushqyshqa da osyndaı talaptar qoıylatyn. Air Astana-nyń jumys istep jatqanyna qanshama ýaqyt boldy, biz áli mamandardy syrttan ákelemiz",-deıdi
